പ്രവാസികളുടെ ഡ്രൈവിംഗ് ലൈസൻസ് പുതുക്കി നൽകുന്ന കാലാവധി വെട്ടിക്കുറച്ചു; കർശന നിബന്ധനകളുമായി കുവൈറ്റ്
കുവൈറ്റ് സിറ്റി: പ്രവാസികളുടെ ഡ്രൈവിങ് ലൈസന്സുകള് പുതുക്കി നല്കുന്ന കാലാവധിയിൽ പരിഷ്കരണവുമായി കുവൈറ്റ്. ഒരു വര്ഷത്തേക്ക് മാത്രമായിരിക്കും ഇനി ലൈസന്സ് പുതുക്കി നല്കുക. രാജ്യത്തെ ട്രാഫിക് വകുപ്പാണ് ഞായറാഴ്ച ഇക്കാര്യം അറിയിച്ചത്. പ്രവാസികള്ക്ക് ഡ്രൈവിങ് ലൈസന്സുകള് അനുവദിക്കുന്നതിനും അവ പുതുക്കുന്നതിനുമുള്ള നിബന്ധനകള് കര്ശനമാക്കുന്നതിന്റെ ഭാഗമാണ് നടപടി.
നേരത്തെ ലൈസന്സുകള് മൂന്ന് വര്ഷത്തേക്ക് പുതുക്കി നല്കിയിരുന്നു. എന്നാല് രാജ്യത്ത് വീട്ടുജോലിക്കാരായി ജോലി ചെയ്യുന്നവര്ക്ക് മൂന്ന് വര്ഷത്തേക്ക് തന്നെ ഡ്രൈവിങ് ലൈസന്സുകള് പുതുക്കി നല്കുമെന്നും ട്രാഫിക് വകുപ്പ് അറിയിച്ചിട്ടുണ്ട്.
പ്രവാസികളുടെ ഡ്രൈവിംഗ് ലൈസന്സുകള്ക്ക് പത്ത് വര്ഷമായിരുന്നു മുൻപ് കാലാവധി അനുവദിച്ചിരുന്നത്. പിന്നീട് അത് പ്രവാസികളുടെ ഇഖാമയുടെ കാലാവധിക്ക് തുല്യമാക്കി. അതിന് ശേഷം ഒരു വര്ഷ കാലാവധിയില് ലൈസന്സ് പുതുക്കി നല്കിയിരുന്നു. 2020ല് ആണ് ഡ്രൈവിംഗ് ലൈസന്സുകളുടെ കാലാവധി വീണ്ടും മൂന്ന് വര്ഷമാക്കി വര്ദ്ധിച്ചിപ്പിച്ചത്.
നിലവില് 600 കുവൈത്തി ദിനാറെങ്കിലും പ്രതിമാസ ശമ്പളവും സര്വകലാശാലാ ബിരുദ യോഗ്യതയും ഉള്ള പ്രവാസികള്ക്കാണ് ഡ്രൈവിംഗ് ലൈസന്സ് അനുവദിക്കുന്നത്. അതിന് തന്നെ ഇവര് രണ്ട് വര്ഷമെങ്കിലും കുവൈത്തില് താമസിച്ചവര് ആയിരിക്കണമെന്നും വ്യവസ്ഥയുണ്ട്. എന്നാല് ഡോക്ടര്മാരും എഞ്ചിനീയര്മാരും ഉള്പ്പെടെയുള്ള നിരവധി തൊഴില് വിഭാഗങ്ങള്ക്ക് ഈ നിബന്ധനകളില് ഇളവും അനുവദിച്ചിട്ടുണ്ട്.