തിഹാർ ജയിലിൽ ഗുണ്ടാനേതാവിനെ കൊലപ്പെടുത്തി
ന്യൂഡൽഹി: തിഹാർ ജയിലിൽ ഗുണ്ടാനേതാവിനെ ഇരുമ്പ് വടികൊണ്ട് അടിച്ചു കൊലപ്പെടുത്തി. വെടിവെപ്പ് കേസ് പ്രതിയായ തില്ലു താജ്പുരിയ ആണ് കൊല്ലപ്പെട്ടത്. എതിർഗുണ്ടാ സംഘത്തിൽപ്പെട്ടവരാണ് ആക്രമിച്ചതെന്ന് പൊലീസ് പറഞ്ഞു.
ഇരുമ്പ് വടികൊണ്ട് വയറിൽ അടിയേറ്റ തില്ലുവിന് ഗുരുതരമായി പരിക്കേറ്റിരുന്നു. ഇയാളെ ദീൻ ദയാൽ ഉപാധ്യായ ആശുപത്രിയിലെത്തിച്ച് അടിയന്തര ചികിത്സ നൽകിയെങ്കിലും ജീവൻ രക്ഷിക്കാനായില്ലെന്ന് ജയിൽ അധികൃതർ പറഞ്ഞു.
