സ്ത്രീകളുടെ അടിവസ്ത്രം ധരിച്ച് ബസ് സ്റ്റാൻഡിലും ചായക്കടയിലും പട്ടാപ്പകൽ കറങ്ങി നടക്കും; അർജുനെക്കൊണ്ട് സഹികെട്ട് നാട്ടുകാർ
ആറ്റിങ്ങൽ: പൊതുസ്ഥലത്ത് അശ്ലീലരീതിയിൽ വീഡിയോ ചിത്രീകരിച്ച രണ്ടു യുവാക്കളെ ആറ്റിങ്ങൽ പൊലീസ് പിടികൂടി.കാരേറ്റ് തൊളിക്കുഴി സ്വദേശി അർജുൻ, മുതുവിള സ്വദേശി ഷെമീർ എന്നിവരെയാണ് പൊലീസ് അറസ്റ്റ് ചെയ്തത്. പാന്റിന് മുകളിൽ സ്ത്രീകളുടെ അടിവസ്ത്രം ധരിച്ചായിരുന്നു വീഡിയോ ചിത്രീകരണം.അർജുനാണ് പട്ടാപ്പകൽ അശ്ലീല രീതിയിൽ വസ്ത്രം ധരിച്ച് ആറ്റിങ്ങലിൽ കറങ്ങി നടന്നത്. ബസ് സ്റ്റാൻഡ്, ചായക്കട, എന്നിങ്ങനെ ആളുകൂടുന്നയിടത്തെല്ലാം നിന്ന് ഇവർ വീഡിയോ ഷൂട്ട് ചെയ്തു. സഹികെട്ട് നാട്ടുകാർ പൊലീസിൽ പരാതി നൽകുകയായിരുന്നു.പൊലീസിന് മുമ്പിലും കൂസലില്ലാതെ നടന്ന യുവാക്കൾ, കാര്യമന്വേഷിച്ചപ്പോൾ തങ്ങൾ പ്രാങ്ക് വീഡിയോ ചിത്രീകരിക്കുകയാണെന്നും കാറിലിരുന്ന് സുഹൃത്ത് ഇതെല്ലാം ചിത്രീകരിക്കുന്നുണ്ടെന്നും പറഞ്ഞു. ഇതോടെ പൊലീസ് ഇരുവരെയും പിടികൂടുകയായിരുന്നു. പാന്റിന് മുകളിൽ ധരിച്ച അടിവസ്ത്രം ഊരിച്ച ശേഷമാണ് അർജുനെയും ഷമീറിനെയും സ്റ്റേഷൻ ജാമ്യത്തിൽ വിട്ടയച്ചത്. ഇരുവർക്കും താക്കീതും നൽകി.