ഭുവനേശ്വർ: ഒഡിഷയില്‍ വൈദ്യുതിലൈനില്‍ തട്ടി ബസിന് തീപിടിച്ച് ഒന്‍പത് മരണം. ഗന്‍ജം ജില്ലയിലെ ഗോലന്തറ മേഖലയില്‍ ഞായറാഴ്ചയാണ് സംഭവം.22 പേര്‍ക്ക് പരിക്കേറ്റു.വിവാഹനിശ്ചയത്തിനായി ജംഗല്‍പാലുവില്‍നിന്ന് ചികാരദയിലേക്ക് വരികയായിരുന്ന 40 അംഗ സംഘമാണ് അപകടത്തില്‍പ്പെട്ടത്.വൈദ്യുതിബന്ധം വിച്ഛേദിച്ചശേഷം പരിക്കേറ്റവരെ ആശുപത്രിയിലെത്തിച്ചു.
ഇടുങ്ങിയവഴിയിലൂടെ പോയ ബസ് ഇരുചക്രവാഹനത്തിന് വഴികൊടുക്കുന്നതിനിടെയാണ് 11 കെ.വി. ലൈനില്‍ തട്ടിയത്. ഇതോടെബസിന് തീപിടിക്കുകയായിരുന്നു.
