ആര്യാ ബാബു ആദ്യമായി നായികയാകുന്ന ’90 മിനിറ്റ്സ്’ മാർച്ച് 10ന്
അടിക്കടിയുണ്ടാകുന്ന ഇന്ധന വിലവർധനവ് സിനിമയുടെ ഒരു പ്രധാന പ്രമേയമാണ്.
90 മിനിറ്റ്സ് എന്ന ചിത്രത്തിൽ ആര്യാ ബാബു
പൊളിറ്റിക്കൽ ത്രില്ലറായി 90 മിനിറ്റ്സ് എത്തുന്നു. മിനിസ്ക്രീനിലൂടെ ശ്രദ്ധേയയായ ആര്യാ ബാബു ആദ്യമായി നായികയാവുന്ന ചിത്രമാണിത്. അടിക്കടിയുണ്ടാകുന്ന ഇന്ധന വിലവർധനവ് സിനിമയുടെ ഒരു പ്രധാന പ്രമേയമാണ്. അരുൺ കുമാർ, സുനിൽ സുഗത, സന്തോഷ് കീഴാറ്റൂർ, ശ്രീറാം രാമചന്ദ്രൻ, ബേബി ഐസ എന്നിവരാണ് മറ്റുപ്രധാന വേഷങ്ങളിൽ.
നിതിൻ തോമസ് കുരിശിങ്കൽ സംവിധാനം ചെയ്യുന്ന ചിത്രം ഫീനിക്സ് ഇന്റർനാഷണൽ പ്രൊഡക്ഷൻസിന്റെ ബാനറിൽ ഗാഡ്വിൻ മൈക്കിൾ, ഷിബു മുരളി, മിജോ ജോസഫ്, റോംസൺ തോമസ് എന്നിവർ ചേർന്ന് നിർമ്മിക്കുന്നു. നിതിൻ തോമസ്, ഷിബു മുരളി, മിജോ ജോസഫ് എന്നിവരാണ് കഥയും തിരക്കഥയും. ഛായാഗ്രഹണം സൈനുൽ ആബിദ്. എഡിറ്റിംഗ് പ്രമോദ് ഒടയാഞ്ചലും സംഗീതവും പശ്ചാത്തല സംഗീതവും സനൽ വാസുദേവും കൈകാര്യം ചെയ്തിരിക്കുന്നു.
എക്സിക്യൂട്ടീവ് പ്രൊഡ്യുസേഴ്സ് : പോൾ സിറിൽ , സൂസൻ മൈക്കിൾ. സൗണ്ട് ഡിസൈനിങ് : കരുൺ പ്രസാദ്, ഡി ഐ : സെൽവിൻ വർഗീസ്, ആർട്ട് : സീമോൻ വയനാട്, മേക്കപ്പ് : അൻസാരി ഈസ്‌ മേക്ക്, കോസ്റ്റ്യൂം : ഷൈബി ജോസഫ് ചക്കാലക്കൽ, വി എഫ് എക്സ് : സിൻ ബസ് സിനിമ നെറ്റ്‌വർക്ക്, ഡയറക്ടർ അസോസിയേറ്റ് : നിധീഷ് ഇരിട്ടി, സ്റ്റിൽസ് : ഹേമന്ത്‌ എം കെ, ഡിസൈൻ : സ്റ്റുഡിയോ സിൻബസ്, സ്റ്റോറിബോർഡ് : റിബു മഠത്തിൽ, പിആർ ഒ : മഞ്ജു ഗോപിനാഥ്.
