തൃശൂരിൽ കാറും ബൈക്കും കൂട്ടിയിടിച്ച് രണ്ടുപേർക്ക് ദാരുണാന്ത്യം
തൃശൂർ: കാറും ബൈക്കും കൂട്ടിയിടിച്ച് രണ്ട് മരണം. തൃശൂർ വെട്ടിക്കലിലാണ് അപകടമുണ്ടായത്. വയനാട് കുപ്പാടി സ്വദേശി എം ആർ അരുൺ രാജ്, കോഴിക്കോട് സ്വദേശി കൃഷ്ണൻ എന്നിവരാണ് മരിച്ചത്. രണ്ടുപേരും ഇസാഫ് എന്ന സ്വകാര്യ സ്ഥാപനത്തിലെ ജീവനക്കാരായിരുന്നു.ഇന്നലെ രാത്രിയാണ് അപകടമുണ്ടായത്. ദേശീയ പാതയിലെ സർവീസ് റോഡിൽ ഹോളി ഫാമിലി കോൺവെന്റിന് സമീപമാണ് അപകടമുണ്ടായത്. ഒരാൾ സംഭവസ്ഥലത്ത് വച്ചും രണ്ടാമത്തെയാൾ ജില്ലാ ആശുപത്രിയിൽ വച്ചുമാണ് മരിച്ചത്. സർവീസ് റോഡിലൂടെ പാലക്കാട് ദിശയിലേയ്ക്ക് പോയിരുന്ന കാർ എതിർ ദിശയിൽ വന്ന ബൈക്കുമായി കൂട്ടിയിടിച്ചായിരുന്നു അപകടം.
