രാജസ്ഥാനിൽ ചാർട്ടേർഡ് വിമാനം തകർന്നു വീണു, പൂർണമായും കത്തി നശിച്ചു,
ന്യൂഡൽഹി: രാജസ്ഥാനിൽ ചാർട്ടേർഡ് വിമാനം തകർന്നു വീണു. ഭരത്പൂരിൽ തകർന്ന് വീണ വിമാനം പൂർണമായും കത്തിയതായാണ് പ്രാഥമിക വിവരം. ആഗ്രയിൽനിന്നു പുറപ്പെട്ട ചാർട്ടേർഡ് ചെയ്ത വിമാനമാണ് തകർന്നതെന്നാണ് ഭരത്പുർ ജില്ലാ കലക്ടർ അലോക് രഞ്ജൻ അറിയിച്ചത്. രക്ഷാപ്രവർത്തനങ്ങൾ തുടരുകയാണ്. കൂടുതൽ വിവരങ്ങൾ പുറത്തുവന്നിട്ടില്ല. , മദ്ധ്യപ്രദേശിലെ മൊറേനയിൽ ഇന്ത്യൻ വ്യോമസേനയുടെ രണ്ട് യുദ്ധവിമാനങ്ങൾ തകർന്നുവീണു. സുഖോയ്-30, മിറാഷ് 2000 എന്നീ വിമാനങ്ങളാണ് തകർന്നുവീണത്.ഗ്വാളിയോർ വ്യോമത്താവളത്തിൽ നിന്ന് പരിശീലന പറക്കലിനായി പുറപ്പെട്ട വിമാനങ്ങളാണ് തകർന്നുവീണത്. വിമാനങ്ങൾ കൂട്ടിയിടിക്കുകയായിരുന്നെന്നാണ് പ്രാഥമിക നിഗമനം. രണ്ടു വിമാനങ്ങളിലെയും പൈലറ്റുമാർ സുരക്ഷിതരാണെന്നാണ് വിവരം. സ്ഥലത്ത് രക്ഷാപ്രവർത്തനം തുടരുന്നു.
