തിരുവനന്തപുരം: മുന്മന്ത്രി വി കെ ഇബ്രാഹിംകുഞ്ഞിനെതിരായ കള്ളപ്പണക്കേസില് എന്ഫോഴ്സ്മെന്റ് ഡയറക്ടറേറ്റ് (ഇ.ഡി) അന്വേഷണം ആരംഭിച്ചു . കേസില് പരാതിക്കാരനായ ഗിരീഷ് ബാബുവിന്റെ മൊഴി ഇ ഡി ശേഖരിച്ചു. ഗവര്ണറുടെ അനുമതി ലഭിച്ചാല് ഇബ്രാഹിംകുഞ്ഞിനെ ചോദ്യം ചെയ്യാനാണ് എന്ഫോഴ്സ്മെന്റ് ഡയറക്ടറേറ്റിന്റെ തീരുമാനം.
മുസ്ലീം ലീഗിന്റെ ഉടമസ്ഥതയിലുള്ള ചന്ദ്രിക ദിനപ്പത്രത്തിന്റെ അക്കൗണ്ടിലെത്തിയത് കള്ളപ്പണമാണെന്ന പരാതിയാണ് എന്ഫോഴ്സ്മെന്റ് ഡയറക്ടറേറ്റ് അന്വേഷണം തുടങ്ങിയത്. നോട്ട് നിരോധന കാലത്ത് ചന്ദ്രിക ദിനപ്പത്രത്തിന്റെ അക്കൗണ്ടിലേക്ക് പത്ത് കോടി രൂപ വന്ന സംഭവം അന്വേഷിക്കണമെന്ന് ആവശ്യപ്പെട്ട് പൊതുപ്രവര്ത്തകനായ ഗിരീഷ് ബാബു പരാതി നല്കിയിരുന്നു. ഇത് പാലാരിവട്ടം പാലം അഴിമതിക്കേസുമായി ബന്ധപ്പെട്ട് അന്വേഷിക്കണമെന്നാണ് ഹര്ജിക്കാരന്റെ ആവശ്യം. കേസില് അന്വേഷണം ആരംഭിച്ചതായി എന്ഫോഴ്സ്മെന്റ് ഹൈക്കോടതിയില് വ്യക്തമാക്കിയിരുന്നു. ഇതിനു പിന്നാലെയാണ് ഗിരീഷ് ബാബുവിനെ വിളിച്ചു വരുത്തി എന്ഫോഴ്സ്മെന്റ് മൊഴിയെടുത്തത്.ഗവര്ണറുടെ അനുമതി ലഭിച്ചാല് തുടര്നടപടികള് സ്വീകരിക്കുമെന്നും എന്ഫോഴ്സ്മെന്റ് കോടതിയെ അറിയിച്ചിട്ടുണ്ട്.