തിരുവനന്തപുരം: തയ്യല്‍ കടയില്‍ വച്ച്‌ സ്‌കൂള്‍ വിദ്യാര്‍ത്ഥികളെ ലൈംഗികമായി പീഡിപ്പിച്ച കടയുടമ അറസ്റ്റില്‍. കിളിമാനൂര്‍ പനപ്പംകുന്ന്‌ സ്വദേശി രാജേന്ദ്രന്‍ (50)നെയാണ് ആറ്റിങ്ങല്‍ പൊലീസ് അറസ്റ്റ് ചെയ്‌തത്‌. ആറ്റിങ്ങല്‍ പാലസ് റോഡില്‍ തയ്യല്‍ക്കട നടത്തുന്ന രാജേന്ദ്രന്‍ സ്‌കൂള്‍ കുട്ടികളെ അശ്ലീല വീഡിയോ കാണിച്ച്‌ തുടര്‍ന്ന് ലൈംഗികമായി പീഡിപ്പിക്കുകയായിരുന്നു.
കഴിഞ്ഞ ദിവസം കുട്ടികളില്‍ ഒരാള്‍ സുഹൃത്തുക്കളോട് വിവരം പറയുകയും സുഹൃത്തുക്കള്‍ ബന്ധുക്കള്‍ മുഖേന പൊലീസില്‍ പരാതി പെടുകയും ചെയ്യുകയായിരുന്നു. കുട്ടിയുടെ ബന്ധുക്കള്‍ നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്. കോടതിയില്‍ ഹാജരാക്കിയ പ്രതി ഇപ്പോള്‍ റിമാന്‍ഡില്‍ ആണ്.
