ഗർഭകാലത്തെ സ്ട്രെച്ച് മാർക്കുകൾ ഒഴിവാക്കാൻ ഇതാ ചില വഴികൾ
സ്ട്രെച്ച് മാർക്കുകൾ ചർമ്മത്തിലെ ഒരു തരം പാടുകളാണ്. പലർക്കും, പ്രത്യേകിച്ച് ഗർഭിണികൾക്ക് ഇത് ഒരു സാധാരണ പ്രശ്നമാണ്. ശരീരത്തിൽ ദ്രുതഗതിയിലുള്ള വളർച്ച ഉണ്ടാകുമ്പോൾ ചർമ്മത്തിൽ സ്ട്രെച്ച് മാർക്കുകൾ ഉണ്ടാകുന്നു,
ചില സമയങ്ങളിൽ മറ്റുളളവർ ഇതു കാണുന്നത് നമ്മുടെ ആത്മവിശ്വാസത്തെ ബാധിച്ചേക്കാം. ഇഷ്ടമുളള വസ്ത്രങ്ങൾ ധരിക്കുന്നതിൽ നിന്നു ഇതു പിന്തിരിപ്പിക്കുന്നതിനു കാരണമാകാം.
ചർമ്മം വലിച്ചുനീട്ടുമ്പോൾ കൊളാജൻ ദുർബലമാവുകയും അതിന്റെ സാധാരണ ഉൽപാദന ചക്രം അസ്വസ്ഥമാവുകയും തകരാറിലാകുകയും ചെയ്യുന്നു. തുടകളിലും കൈകളിലും ആമാശയത്തിലും താഴത്തെ ഭാഗങ്ങളിലുമാണ് ഇത് സാധാരണയായി സംഭവിക്കുന്നത്.
വ്യായാമം ചെയ്യുക, നല്ല ഭക്ഷണക്രമം, ചർമ്മസംരക്ഷണം എന്നിവ പിന്തുടരുകയാണെങ്കിൽ നിങ്ങൾക്ക് സ്ട്രെച്ച് മാർക്കുകൾ തടയാമെന്ന് ബാംഗ്ലൂരിലെ സീനിയർ കൺസൾട്ടന്റ് ഒബ്സ്റ്റട്രിക്സ് & ഗൈനക്കോളജി, അപ്പോളോ ക്രാഡിൽ & ചിൽഡ്രൻസ് ഹോസ്പിറ്റൽ ഡോ. ടീന തോമസ് പറയുന്നു.
ഗർഭകാലത്തെ സ്ട്രെച്ച് മാർക്കുകൾ തടയാനുള്ള വഴികൾ…
വ്യായാമം: പതിവായി വ്യായാമം ചെയ്യുന്നത് ശരീരഭാരം വർദ്ധിപ്പിക്കുന്നത് തടയുക മാത്രമല്ല ഇലാസ്തികത മെച്ചപ്പെടുത്തുകയും ചെയ്യും.
സൺസ്‌ക്രീൻ: നിങ്ങൾ വീട്ടിൽ നിന്ന് ഇറങ്ങുന്നതിന് മുമ്പ് എല്ലായ്പ്പോഴും സൺസ്‌ക്രീൻ പുരട്ടുക, പ്രത്യേകിച്ച് വയറ്, നെഞ്ച് തുടങ്ങിയ സ്ട്രെച്ച് മാർക്കുകൾ ഉണ്ടാകാനിടയുള്ള സ്ഥലങ്ങളിൽ.
പാൽപ്പാട : സ്ട്രെച്ച് മാർക്സ് മാറാൻ ഏറ്റവും മികച്ചതാണ് പാൽപ്പാട. പാൽപ്പാട കൊണ്ട് ദിവസവും മസാജ് ചെയ്യാം. വിരലുകൾ ചർമ്മത്തിൽ വട്ടത്തിൽ ചലിപ്പിച്ച് വേണം മസാജ് ചെയ്യാൻ. ഇത് മൂന്ന് മാസക്കാലം ചെയ്യണം.
തേൻ : ശരീരത്തിലെ പാടുകൾ മാറ്റാൻ ഏറ്റവും നല്ലതാണ് തേൻ. സ്ട്രെച്ച് മാർക്‌സുള്ള ഭാഗത്ത് തേൻ പുരട്ടി, മസാജ് ചെയ്യുന്നത് ഇവയെ അകറ്റാൻ സഹായിക്കും.
പിന്തുടരേണ്ട ചില ഡയറ്റ് ടിപ്പുകൾ…
വിറ്റാമിൻ ഡി: എപ്പിഡെർമൽ അട്രോഫി തടയാൻ മത്സ്യ എണ്ണ, ട്യൂണ, മുട്ടയുടെ മഞ്ഞക്കരു തുടങ്ങിയ വിറ്റാമിൻ ഡി അടങ്ങിയ ഭക്ഷണങ്ങൾ കഴിക്കുക.
ഒമേഗ 3 ഫാറ്റി ആസിഡുകൾ: ഒലിവ് ഓയിൽ, വെണ്ണ തുടങ്ങിയ ഒമേഗ 3 അടങ്ങിയ ഭക്ഷണങ്ങൾ കഴിക്കുക. ഇത് ഇലാസ്തികത വർദ്ധിപ്പിക്കാൻ സഹായിക്കും.
വിറ്റാമിൻ സി: സിട്രസ് പഴങ്ങൾ, സരസഫലങ്ങൾ, തണ്ണിമത്തൻ തുടങ്ങിയ വിറ്റാമിൻ സി അടങ്ങിയ ഭക്ഷണങ്ങൾ കഴിക്കുക. ഇത് ഇലാസ്തികത വർദ്ധിപ്പിക്കാൻ സഹായിക്കും.ട
വിറ്റാമിൻ ഇ: നിലക്കടല വെണ്ണ, തക്കാളി തുടങ്ങിയ വിറ്റാമിൻ ഇ അടങ്ങിയ ഭക്ഷണങ്ങൾ കഴിക്കുക. ഇത് ചർമ്മത്തിന്റെയും ചർമ്മ കോശങ്ങളുടെയും ആരോഗ്യം മെച്ചപ്പെടുത്താൻ സഹായിക്കും.
വിറ്റാമിൻ എ : മധുരക്കിഴങ്ങ്, മത്തങ്ങ, മാങ്ങ തുടങ്ങിയ വിറ്റാമിൻ എ അടങ്ങിയ ഭക്ഷണങ്ങൾ കഴിക്കുക. ഇത് ചർമ്മത്തിന്റെ ഇലാസ്തികത മെച്ചപ്പെടുത്താനും പുതിയ ചർമ്മകോശങ്ങളുടെ രൂപീകരണം വർദ്ധിപ്പിക്കാനും സഹായിക്കും.
