പീഡനശ്രമം, ഓടിരക്ഷപ്പെടുന്നതിനിടെ നിലത്തുവീണ് പെണ്‍കുട്ടിക്ക് പരിക്ക്; പ്രതി പിടിയില്‍
ശനിയാഴ്ച വൈകീട്ട് ക്ലാസ് കഴിഞ്ഞു മടങ്ങുകയായിരുന്ന പെണ്‍കുട്ടി സൈക്കിളുമായി പ്രതിയുടെ വീട്ടിലെത്തിയപ്പോഴായിരുന്നു അതിക്രമം.
ശൂരനാട്:സൈക്കിള്‍ നന്നാക്കാനെത്തിയ പതിനൊന്നുവയസ്സുകാരിയെ പീഡിപ്പിക്കാന്‍ ശ്രമിച്ചയാള്‍ അറസ്റ്റില്‍. പോരുവഴി വടക്കേമുറി പരവട്ടം ഇടശ്ശേരില്‍ പുത്തന്‍വീട്ടില്‍ തോമസാ(58)ണ് അറസ്റ്റിലായത്.
ശനിയാഴ്ച വൈകീട്ട് ക്ലാസ് കഴിഞ്ഞു മടങ്ങുകയായിരുന്ന പെണ്‍കുട്ടി സൈക്കിളുമായി പ്രതിയുടെ വീട്ടിലെത്തിയപ്പോഴായിരുന്നു അതിക്രമം. രക്ഷപ്പെടുന്നതിനിടെ നിലത്തുവീണ് കുട്ടിക്ക് പരിക്കേറ്റു.
ശൂരനാട് എസ്.എച്ച്.ഒ. ജോസഫ് ലിയോണ്‍, എസ്.ഐ.മാരായ രാജന്‍ ബാബു, കൊച്ചുകോശി എന്നിവരടങ്ങിയ സംഘമാണ് പ്രതിയെ പിടികൂടിയത്.
