ഒരു കോടി വിലവരുന്ന എം ഡി എം എയുമായി കാസർകോട് സ്വദേശി പിടിയിൽ; ബംഗളൂരുവിൽ നിന്ന് ലഹരിമരുന്ന് എത്തിച്ചത് ഈ ജില്ലകളിലെ യുവാക്കളെ ലക്ഷ്യമിട്ട്
മലപ്പുറം: ഒരു കോടി രൂപയുടെ എംഡിഎംഎയുമായി കാസർകോട് സ്വദേശി മലപ്പുറത്ത് പിടിയിൽ. മഞ്ചേശ്വരം സ്വദേശി അബ്ദുൾ ഖാദർ നാസിർ ഹുസൈനെയാണ് കോട്ടക്കുന്നിൽ വച്ച് മലപ്പുറം പൊലീസ് അറസ്റ്റ് ചെയ്തത്.
ബംഗളൂരുവിൽ നിന്ന് ജില്ലയിലേയ്ക്ക് വ്യാപകമായി മയക്കുമരുന്ന് എത്തുന്നുവെന്ന് ജില്ലാ പൊലീസ് മേധാവിക്ക് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിലായിരുന്നു പരിശോധന. വടക്കൻ ജില്ലകളിൽ വിൽക്കുന്നതിന് വേണ്ടിയാണ് ലഹരിമരുന്ന് എത്തിച്ചതെന്നും മുമ്പും ഇത്തരത്തിൽ മയക്കുമരുന്ന് കടത്തിയിട്ടുണ്ടെന്നും അബ്ദുൾ ഖാദർ പൊലീസിന് മൊഴി നൽകി.
