രാത്രി വെന്റിലേറ്ററില്‍ കണ്ടത് മൊബൈല്‍, വീട്ടമ്മയുടെ കുളിമുറിദൃശ്യം പകര്‍ത്തിയ യുവാവ് പിടിയില്‍
കളമശ്ശേരി: ബാത്‌റൂമില്‍ രാത്രി വീട്ടമ്മ കുളിക്കുന്നത് വെന്റിലേറ്ററില്‍ കൂടി മൊബൈലില്‍ പകര്‍ത്തിയ യുവാവ് പിടിയിലായി. ഗുരുവായൂര്‍ ഇരിങ്ങപ്പുറം പൊലിയത്ത് വീട്ടില്‍ പ്രണവി (22) നെയാണ് കളമശ്ശേരി പോലീസ് അറസ്റ്റ് ചെയ്തത്.
കളമശ്ശേരിയിലെ കാര്‍ ഷോറൂമില്‍ ടെക്‌നീഷ്യനാണ് ഇയാള്‍. വീട്ടമ്മ താമസിക്കുന്ന അപ്പാര്‍ട്ട്‌മെന്റിനു സമീപം ഹോസ്റ്റലിലാണ് താമസിക്കുന്നത്. വീഡിയോ പിടിക്കുന്നതു കണ്ട വീട്ടമ്മ നിലവിളിച്ചപ്പോള്‍ ഇയാള്‍ ഓടിപ്പോയി. തുടര്‍ന്ന് സ്ഥലത്തെത്തിയ കളമശ്ശേരി പോലീസ് സി.സി.ടി.വി. ദൃശ്യങ്ങള്‍ പരിശോധിച്ച് പ്രതിയെ പിടികൂടി.
