സന്ദീപാനന്ദഗിരിയുടെ ആശ്രമം കത്തിച്ചത് ആര്.എസ്.എസ് പ്രവര്ത്തകന് പ്രകാശ്. നിര്ണായക വെളിപ്പെടുത്തല്
തിരുവനന്തപുരം: സ്വാമി സന്ദീപാനന്ദഗിരിയുടെ ആശ്രമം കത്തിച്ച സംഭവത്തില് നാല് വര്ഷത്തിന് ശേഷം നിര്ണായക വെളിപ്പെടുത്തല്. തിരുവനന്തപുരം കുണ്ടമണ്കടവിലുള്ള ആശ്രമത്തിന് തീയിട്ടത് പ്രദേശവാസിയായ പ്രകാശ് എന്ന ആര്.എസ്.എസ് പ്രവര്ത്തകനും കൂട്ടുകാരും ചേര്ന്നാണ് എന്നാണ് വെളിപ്പെടുത്തല്.
പ്രകാശിന്റെ സഹോദരന് പ്രശാന്താണ് വെളിപ്പെടുത്തല് നടത്തിയ്. ഏഷ്യാനെറ്റ് ന്യൂസിനോടായിരുന്നു അദ്ദേഹത്തിന്റെ പ്രതികരണം. പ്രകാശ് ഈ വര്ഷം ജനുവരിയില് ആത്മഹത്യ ചെയ്തിരുന്നു
ആശ്രമം കത്തിക്കല് കേസുമായി ബന്ധപ്പെട്ട് ഒരാഴ്ച മുന്പ് പ്രശാന്തിന്റെ മൊഴി ക്രൈംബ്രാഞ്ച് രേഖപ്പെടുത്തിയിരുന്നു. ഇയാളുടെ രഹസ്യമൊഴി രേഖപ്പെടുത്താന് ക്രൈംബ്രാഞ്ച് തിരുവനന്തപുരം അഡീഷണല് ചീഫ് മജിസ്ട്രേറ്റ് കോടതിയില് അപേക്ഷ നല്കിയിട്ടുണ്ട്.
പ്രകാശ് മരിക്കുന്നതിന് കുറച്ചു ദിവസങ്ങള് മുന്പാണ് ഇതേക്കുറിച്ച് തന്നോട് പറഞ്ഞതെന്ന് പ്രശാന്ത് പറയുന്നു.അവന്(പ്രകാശ്) ആര്.എസ്.എസ് പ്രവര്ത്തകനായിരുന്നു. ആശ്രമം കത്തിച്ച സംഭവത്തില് തിരുവനന്തപുരം ജഗതിയില് നിന്നും ഇവന്റെ ഒരു കൂട്ടുകാരനെ കഴിഞ്ഞ വര്ഷം അവസാനം പൊലീസ് കസ്റ്റഡിയില് എടുത്തിരുന്നു. അതോടെ അവന് അസ്വസ്ഥനായിരുന്നു.