മൊബൈലില് ചാറ്റിങ്ങും ഡ്രൈവിങ്ങും; പ്രൈവറ്റ് ബസ് ഡ്രൈവര്ക്കെതിരേ നടപടിയുമായി മോട്ടോര് വാഹന വകുപ്പ്
സ്വന്തം ലേഖിക
മൊബൈലില് ചാറ്റ് ചെയ്ത് കൊണ്ട് ബസ് അപകടകരമാം വിധം ഓടിക്കുന്നതിന്റെ ദൃശ്യങ്ങള് യാത്രക്കാരി പകര്ത്തുകയും തുടര്ന്ന് ഇത് വൈറലാവുകയുമായിരുന്നു.
ഡ്രൈവിങ്ങിനിടെ മൊബൈൽ ഫോൺ ഉപയോഗിക്കുന്ന ബസ് ഡ്രൈവർ
കൊച്ചി: മൊബൈലില് ചാറ്റ് ചെയ്ത് ബസ് ഓടിച്ച ഡ്രൈവര്ക്കെതിരേ മോട്ടോര് വാഹന വകുപ്പിന്റെ നടപടി. ആലുവ- തേവര റൂട്ടില് സര്വീസ് നടത്തുന്ന പ്രൈവറ്റ് ബസ് ഡ്രൈവര് റുഷീബിനെയാണ് മോട്ടോര് വാഹന വകുപ്പ് പിടികൂടിയത്. യാത്രക്കാരുമായി സര്വീസ് നടത്തുന്നതിനിടെ ഇയാള് മൊബൈലില് ചാറ്റ് ചെയ്ത് കൊണ്ട് അപകടകരമാം വിധം വാഹനം ഓടിക്കുകയായിരുന്നു. ഈ ദൃശ്യം യാത്രക്കാരിയാണ് മൊബൈലില് പകര്ത്തിയത്. ഇത് വൈറലാവുകയുമായിരുന്നു.
തുടര്ന്ന് നടത്തിയ പരിശോധനയിലാണ് എറണാകുളം റുഷീബിനെ മോട്ടോര് വാഹനവകുപ്പ് ഉദ്യോഗസ്ഥര് പിടികൂടിയത്. ബസില് നടത്തിയ പരിശോധനയില് സ്പീഡ് ഗവര്ണര് വിച്ഛേദിച്ചതടക്കം ഗുരുതരമായ ഗതാഗത ലംഘനങ്ങള് കണ്ടെത്തിയിട്ടുണ്ട്. ബസിന് സ്റ്റോപ്പ് മെമ്മോ നല്കിയതായി അസിസ്റ്റന്റ് മോട്ടോര് വാഹന ഇന്സ്പെക്ടര് മാതൃഭൂമി ഡോട്ട് കോമിനോട് പറഞ്ഞു.