പ്രായപൂർത്തിയാകാത്ത പെൺകുട്ടിയെ പാതിരാത്രി വീട്ടിൽ നിന്ന് വിളിച്ചിറക്കിക്കൊണ്ടുപോയി, ഒളിച്ചോട്ടത്തിനിടെ പൊലീസ് മുന്നിൽ, കാർ മറിഞ്ഞു
മലപ്പുറം: പ്രായപൂർത്തിയാകാത്ത പെൺകുട്ടിയെ വീട്ടിൽ നിന്ന് വിളിച്ചിറക്കിക്കൊണ്ടുപോയ യുവാവ് അറസ്റ്റിൽ. കാക്കത്തടം സ്വദേശി എ പി അബ്ദുൽ ഹസീബിനെയാണ് (18) പൊലീസ് അറസ്റ്റ് ചെയ്തത്. പോക്‌സോ വകുപ്പുകൾ ചുമത്തിയാണ് അറസ്റ്റ് ചെയ്തത്.
കഴിഞ്ഞ ഞായറാഴ്ചയായിരുന്നു സംഭവം. യുവാവ് പെൺകുട്ടിയെ ഫോണിൽവിളിച്ച് രാത്രി ഇറങ്ങിവരാൻ ആവശ്യപ്പെടുകയായരുന്നു. യുവാവ് പറഞ്ഞതനുസരിച്ച് ആരുമറിയാതെ പെൺകുട്ടി വീട്ടിൽിനിന്നിറങ്ങി. കാറിൽ നാടുവിടാനായിരുന്നു ഇവരുടെ പദ്ധതി.എന്നാൽ ഇവർ പാത്തിക്കുഴി പാലത്തിന് സമീപം പട്രോളിംഗിനിറങ്ങിയ പൊലീസ് സംഘത്തിന് മുന്നിൽപ്പെടുകയായിരുന്നു. തുടർന്ന് കാറിന്റെ വേഗം കൂട്ടുകയും, അത് മറിയുകയുമായിരുന്നു. യുവാവും പെൺകുട്ടിയും നിസാര പരിക്കുകളോടെ രക്ഷപ്പെട്ടു.
