തളിപ്പറമ്പ്: ഷെയര്‍ചാറ്റ് വഴി പരിചയപ്പെട്ട് ഒന്‍പതാംക്ലാസുകാരിയായ പെണ്‍കുട്ടിയെ തട്ടിക്കൊണ്ടുപോയി പീഡിപ്പിച്ച യുവാവ് പോക്‌സോ നിയമപ്രകാരം അറസ്റ്റില്‍. കൊയ്യം പെരുന്തിലേരി ബോട്ട്കടവിലെ എ.വി.വാഹിദിനെയാണ്(22) തളിപ്പറമ്ബ് സി ഐ എന്‍.കെ.സത്യനാഥന്റെ നേതൃത്വത്തില്‍ അറസ്റ്റ് ചെയ്തത്. കഴിഞ്ഞ 20നാണ് പെണ്‍കുട്ടിയെ കൊളത്തൂരിലെ വിജനമായ റബ്ബര്‍തോട്ടത്തിലെത്തിച്ച്‌ വാഹിദ് പീഡിപ്പിച്ചത്. സ്‌കൂളില്‍ പോകാന്‍ ബസ് കാത്തുനില്‍ക്കുകയായിരുന്ന പെണ്‍കുട്ടിയെ സ്‌കൂളില്‍ ഇറക്കാമെന്ന് പറഞ്ഞ് പ്രലോഭിപ്പിച്ച്‌ ബൈക്കില്‍ കൊണ്ടുപോയി പീഡിപ്പിക്കുകയായിരുന്നുവെന്ന് പൊലീസ് വെളിപ്പെടുത്തി. ഹുസൈന്‍ കരിമ്ബം എന്ന പേരിലാണ് ഈ പെണ്‍കുട്ടിയെ പരിചയപ്പെട്ടത്. സൈബര്‍സെല്‍ വഴി നടത്തിയ അന്വേഷണത്തിലാണ് പ്രതി വാഹിദാണെന്ന് തിരിച്ചറിഞ്ഞത്.പൊലീസ് അന്വേഷിക്കുന്നുണ്ടെന്നറിഞ്ഞ ഇയാള്‍ തേര്‍ളായി കടവിന് സമീപം ഒളിവില്‍ കഴിയുകയായിരുന്നു.
ബോട്ട്കടവിന് സമീപത്തെ ഇയാളുടെ ബന്ധുവിന്റെ പൊളിഞ്ഞുകിടക്കുന്ന കടയില്‍ നിന്നാണ് തളിപ്പറമ്ബ് എസ് .ഐ. കെ.പി.ഷൈന്‍, എ .എസ്. ഐ എ.ജി.അബ്ദുള്‍റൗഫ്, സീനിയര്‍ സി.പി.ഒമാരായ. സ്‌നേഹേഷ്, ഗിരീഷ്, സി.പി.ഒമാരായ ദിനേഷ്, വിപിന്‍ എന്നിവര്‍ ചേര്‍ന്ന് ഈയാളെ പിടികൂടിയത്.അറസ്റ്റിലാകുമ്ബോള്‍ ഈയാള്‍ വടകരയിലെ ഒരു പെണ്‍കുട്ടിയുമായി ചാറ്റിംഗ് നടത്തുകയായിരുന്നു. പല പേരുകളിലായി ഈയാള്‍ 46 ഓളം പെണ്‍കുട്ടികളുമായി ചാറ്റിംഗ് നടത്താറുണ്ടെന്ന് പൊലീസ് പറഞ്ഞു. ഒരേസമയം നാല് പെണ്‍കുട്ടികളുമായിട്ട് വാഹിദ് ചാറ്റിംഗ് നടത്താറുണ്ട്. മൂന്ന് ഫോണുകള്‍ ഉപയോഗിച്ചാണ് വാഹിദിന്റെ പെണ്‍വേട്ട. ഇതിനകം പല പെണ്‍കുട്ടികളെയും ഈയാള്‍ ലൈംഗികമായി പീഡിപ്പിച്ചിട്ടുണ്ടെന്ന് പൊലീസിന് വിവരം ലഭിച്ചിട്ടുണ്ട്.
