14,000 പാക്കറ്റ് പാന്മസാലയുമായി പ്രവാസി അറസ്റ്റില്
മസ്കത്ത്: ഒമാനില് 14,000ല് അധികം പാക്കറ്റ് പാന്മസാലയുമായി പ്രവാസി അറസ്റ്റില്. രാജ്യത്തെ കണ്സ്യൂമര് പ്രൊട്ടക്ഷന് അതോറിറ്റിയാണ് (സി.പി.എ) നടപടിയെടുത്തത്. പിടിയിലായ വ്യക്തിക്കെതിരെ നിയമാനുസൃത നടപടികള് സ്വീകരിച്ചതായി അധികൃതര് അറിയിച്ചു.
ഒമാനിലെ ഇബ്രി വിലായത്തിലായിരുന്നു സംഭവം. അല് ദാഹിറ ഗവര്ണറേറ്റിലെ കണ്സ്യൂമര് പ്രൊട്ടക്ഷന് വകുപ്പാണ് പരിശോധന നടത്തിയത്. ഇബ്രിയിലെ ഒരു ഗ്രാമത്തില് ജോലി ചെയ്തിരുന്ന പ്രവാസിയുടെ പക്കല് നിന്ന് വലിയ അളവിലുള്ള നിരോധിത പുകയില ഉത്പന്നങ്ങളുടെ ശേഖരം പിടിച്ചെടുത്തതായാണ് ഔദ്യോഗിക പ്രസ്താവനയില് പറയുന്നത്. ജനങ്ങളുടെയും സമൂഹത്തിന്റെയും ആരോഗ്യത്തിനും സുരക്ഷയ്ക്കും ഭീഷണി ഉയര്ത്തുന്ന നിരോധിത വസ്തുക്കളുടെ വ്യാപനം തടയുന്നതിന്, വിവിധ ഗവര്ണറേറ്റുകളിലെ കണ്സ്യൂമര് പ്രൊട്ടക്ഷന് അതോരിറ്റികള്, അവയ്ക്ക് കീഴിലുള്ള ഡയറക്ടറേറ്റുകളും ഡിപ്പാര്ട്ട്മെന്റുകളും വഴി സ്വീകരിക്കുന്ന നടപടികളുമായി ഭാഗമാണിതെന്നും അധികൃതര് അറിയിച്ചു.