ആലപ്പുഴയില്‍നിന്ന് കാണാതായ പെണ്‍കുട്ടികളെ കൊണ്ടുപോയത് തൃശ്ശൂര്‍ സ്വദേശികള്‍
ആലപ്പുഴ: ആലപ്പുഴയില്‍നിന്നു കാണാതായ പെണ്‍കുട്ടികളെ പീഡിപ്പിച്ച കേസില്‍ രണ്ടുപേരെ പോലീസ് അറസ്റ്റുചെയ്തു. തൃശ്ശൂര്‍ സ്വദേശികളായ ചീയാരം കടവില്‍ ജോമോന്‍ ആന്റണി, അളകപ്പനഗര്‍ ചീരക്കുഴി ജോമോന്‍ വില്യം എന്നിവരെയാണ് ആലപ്പുഴ സൗത്ത് പോലീസ് അറസ്റ്റുചെയ്തത്.
പെണ്‍കുട്ടികളെ ചാലക്കുടിയിലെ ലോഡ്ജിലെത്തിച്ച് പീഡിപ്പിച്ചെന്നാണ് കേസ്. എസ്.എച്ച്.ഒ. എസ്. അരുണ്‍, എ.എസ്.ഐ. മനോജ്കൃഷ്ണന്‍, സി.പി.ഒ.മാരായ ബിനുകുമാര്‍, അംബീഷ്, രാഖി എന്നിവര്‍ ചേര്‍ന്നാണ് ഇവരെ അറസ്റ്റുചെയ്തത്. പ്രതികളെ റിമാന്‍ഡുചെയ്തു.
