തിരുവനന്തപുരം: പൗരത്വഭേദഗതി നിയമത്തിനെതിരായ സംയുക്ത പ്രതിഷേധത്തില് സിപിഎമ്മുമായി സഹകരിക്കാനില്ലെന്ന് നിലപാട് ആവര്ത്തിച്ച് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്. നാളെ നടക്കാനിരിക്കുന്ന സര്വ്വകക്ഷി യോഗത്തില് പങ്കെടുക്കില്ലെന്ന് മുല്ലപ്പള്ളി അറിയിച്ചു. മുഖ്യമന്ത്രിയുമായുള്ള വിയോജിപ്പിനെ തുടര്ന്നാണ് തീരുമാനമെന്നാണ് പുറത്തുവരുന്നവിവരങ്ങൾ .
പൗരത്വഭേദഗതിക്കെതിരായ പ്രതിഷേധങ്ങള് സംബന്ധിച്ച തുടര്നടപടികള് ചര്ച്ച ചെയ്യാനാണ് സര്ക്കാര് ഞായറാഴ്ച സര്വ്വകക്ഷി യോഗം വിളിച്ചത്. സിപിഎമ്മുമായി യോജിച്ചുള്ള സമരത്തില് നേരത്തെ തന്നെ മുല്ലപ്പള്ളി എതിര്പ്പറിയിച്ചിരുന്നു. ഫാസിസ്റ്റ് വിരുദ്ധ പോരാട്ടത്തില് സിപിഎമ്മിന് ആത്മാര്ത്ഥത ഇല്ലെന്നാണ് മുല്ലപ്പള്ളി ആരോപിച്ചത്. കേരളത്തില് നിലവിലുള്ളത് ഭരണകൂട ഭീകരതയാണ്. കെപിസിസി പ്രസിഡന്റ് എന്ന നിലയില് താന് പറയുന്നതാണ് പാര്ട്ടിയുടെ നിലപാടെന്നും അദ്ദേഹംപ്രതിപക്ഷനേതാവിനും മറ്റും മുന്നറിയിപ്പ് നൽകിയിരുന്നു.ഇതേത്തുടര്ന്ന് യുഡിഎഫിനുള്ളില് മുല്ലപ്പള്ളിയെ അനുകൂലിച്ചും പ്രതികൂലിച്ചും നേതാക്കള് രംഗത്തെത്തി. കേരളത്തിലെ കാര്യങ്ങള് കെപിസിസി നേതൃത്വമാണ് തീരുമാനിക്കേണ്ടതെന്ന് കെ സി വേണുഗോപാലും പറഞ്ഞു..