ഡൽഹിയിൽ വൻ തീപിടിത്തം; ഏഴ് മൃതദേഹങ്ങൾ കത്തിക്കരിഞ്ഞ നിലയിൽ
ന്യൂഡൽഹി: ഡൽഹിയിൽ ഇന്നലെ രാത്രിയുണ്ടായ വൻ തീപിടിത്തത്തിൽ ഏഴ് മരണം. ഗോകുൽപുരിയിലായിരുന്നു ദുരന്തം നടന്നത്. ജനങ്ങൾ തിങ്ങിപ്പാർത്തിരുന്ന കുടിലുകളിലാണ് തീപിടിത്തം ഉണ്ടായത്. കത്തിക്കരിഞ്ഞ നിലയിലാണ് മൃതദേഹങ്ങൾ കണ്ടെടുത്തത്. പ്രദേശത്തെ അറുപതോളം കുടിലുകളിൽ തീ പടർന്നു എന്നാണ് പ്രാഥമിക നിഗമനം. 13 ഫയർ ഫോഴ്സ് വാഹനങ്ങളെത്തി പുലർച്ചെ നാല് മണിയോടെയാണ് തീ നിയന്ത്രണവിധേയമാക്കിയത്.
