കൊച്ചി: സംസ്ഥാനത്ത് സ്വര്‍ണ വിലയിൽ വീണ്ടും ഇടിവ്. പവന് 80 രൂപ കുറഞ്ഞ് 36,000 രൂപയിലും താഴെ വില എത്തി. ഒരു പവൻ സ്വര്‍ണത്തിന് 35,920 രൂപയാണ് വില. ഇന്നലെ ഒരു പവൻ സ്വര്‍ണത്തിന് 36,000 രൂപയായിരുന്നു വില. ഈ മാസത്തെ ഏറ്റവും ഉയര്‍ന്ന നിരക്കിൽ നിന്നാണ് സ്വര്‍ണ വില ഇടിഞ്ഞത്. ജനുവരി 26ന് ഒരു പവൻ സ്വര്‍ണത്തിന് 36,720 രൂപയായിരുന്നു വില. ജനുവരി 10നാണ് ഈ മാസത്തെ ഏറ്റവും താഴ്ന്ന നിരക്കിൽ സ്വര്‍ണ വില എത്തിയത്. ഒരു പവൻ സ്വര്‍ണത്തിന് 35,600 രൂപയായിരുന്നു വില.
ജനുവരി 10നാണ് ഈ മാസത്തെ ഏറ്റവും കുറഞ്ഞ നിരക്കിൽ സ്വര്‍ണ വില എത്തിയത്. ഒരു പവൻ സ്വര്‍ണത്തിന് 35,600 രൂപയായിരുന്നു വില. ജനുവരി ഒന്നിന് 36,360 രൂപയായിരുന്നു വില. പിന്നീട് കൂടിയും കുറഞ്ഞും ചാഞ്ചാടുകയാണ് വില. രാജ്യാന്തര വിപണിയിൽ വില ഇടിഞ്ഞതാണ് ആഭ്യന്തര വിപണിയിലും പ്രതിഫലിച്ചത്.
തിങ്കളാഴ്ച 35,920 4,490 (ഗ്രാം) 1781 (ട്രോയ് ഔൺസ്)
ഞായറാഴ്ച- 36,000 4,500 (ഗ്രാം) 1792.11 (ട്രോയ് ഔൺസ്)
ഈ മാസം തുടക്കം മുതൽ തന്നെ കൂടിയും കുറഞ്ഞും അസ്ഥിരമായിരുന്നു സ്വര്‍ണ വില. യുഎസ് ബോണ്ടുകളിൽ നിന്നുള്ള വരുമാനം ഉയര്‍ന്നതും ട്രഷറി വരുമാനം ഉയര്‍ന്ന നിരക്കിൽ എത്തിയതും സ്വര്‍ണ വില പെട്ടെന്ന് കുറയാൻ കാരണമായിരുന്നു. അതേസമയം ഒമിക്രോൺ ആശങ്കകളും, പണപ്പെരുപ്പം ഉയരുന്നതും സ്വര്‍ണത്തിന് നേരിയ മുൻതൂക്കം നൽകുന്നുമുണ്ട്.
ഡിസംബര്‍ മൂന്നിന് ഒരു പവൻ സ്വര്‍ണത്തിന് 35,560 രൂപയായിരുന്നു വില. ഒരു ഗ്രാമിന് 4,445 രൂപയും. ഇതായിരുന്നു ഡിസംബറിലെ കുറഞ്ഞ നിരക്ക്. ഡിസംബര്‍ 17 മുതൽ 20 വരെയുള്ള കാലയളവിൽ ഏറ്റവും ഉയര്‍ന്ന നിരക്കിലായിരുന്നു സ്വര്‍ണ വില. ഒരു പവൻ സ്വര്‍ണത്തിന് 36,560 രൂപയായിരുന്നു വില. ഡിസംബറിൽ സ്വര്‍ണ വിലയിൽ പവന് 440 രൂപയുടെ വര്‍ധനയാണുണ്ടായത്.
വെള്ളി വില
വെള്ളി വിലയിൽ നേരിയ കുറവ് . ഒരു ഗ്രാം വെള്ളിക്ക് 65.40 രൂപയിലാണ് വ്യാപാരം നടക്കുന്നത്. എട്ട് ഗ്രാം വെള്ളിയ്ക്ക് 523.20 രൂപയാണ് വില. പത്ത് ഗ്രാം വെള്ളിക്ക് 654 രൂപയും ഒരു കിലോഗ്രാമിന് 65,400 രൂപയുമാണ് വില. ഇന്നലെ ഒരു കിലോഗ്രാമിന് 65,500 രൂപയായിരുന്നു വില.
