സഹോദരഭാര്യ കുളിക്കുന്നതിന്റെ ദൃശ്യങ്ങൾ പകർത്തി, വീഡിയോ പരസ്യമാക്കുമെന്ന് ഭീഷണിപ്പെടുത്തി ബലാത്സംഗം ചെയ്തു; 25കാരനെതിരെ കേസ്
പൂനെ: സഹോദരന്റെ ഭാര്യ കുളിക്കുന്നതിന്റെ ദൃശ്യങ്ങൾ പകർത്തിയ ശേഷം പരസ്യമാക്കുമെന്ന് ഭീഷണിപ്പെടുത്തി ബലാത്സംഗം ചെയ്തതിന് 25കാരനെതിരെ പൊലീസ് കേസെടുത്തു. പൂനെയിൽ പർഭാനി ജില്ലയിലാണ് സംഭവം നടന്നത്. യുവതി നൽകിയ പരാതിയുടെ അടിസ്ഥാനത്തിൽ ശനിയാഴ്ചയാണ് പൊലീസ് കേസ് രജിസ്റ്റർ ചെയ്തത്.കുളിക്കുന്നതിനിടെ താനറിയാതെ പ്രതി ദൃശ്യങ്ങൾ പകർത്തുകയും പിന്നീട് വീഡിയോ ക്ലിപ്പുകൾ കാണിച്ച് ഭീഷണിപ്പെടുത്തി ബലാത്സംഗം ചെയ്യുകയുമായിരുന്നു എന്നും പരാതിക്കാരി പറഞ്ഞു. എതിർക്കാൻ ശ്രമിച്ചപ്പോൾ മർദ്ദിച്ചെന്നും യുവതി പറഞ്ഞു. കഴിഞ്ഞ മാസമാണ് സംഭവം നടന്നത്. വീണ്ടും ശല്യപ്പെടുത്താൻ ശ്രമിച്ചതിനെത്തുടർന്ന് യുവതി തന്റെ ഭർത്താവിനോട് നടന്ന സംഭവങ്ങൾ വിവരിക്കുകയും ശേഷം പൊലീസിൽ പരാതിപ്പെടുകയുമായിരുന്നു. തുടർന്നാണ് ഇയാൾക്കെതിരെ പൊലീസ് കേസെടുത്തത്.
