കോവിഡ് വ്യാപനം; സംസ്ഥാനത്ത് 9-ാം ക്ലാസ് വരെ സ്‌കൂളുകള്‍ അടയ്ക്കും
തിരുവനന്തപുരം: കോവിഡ് വ്യാപനത്തിന്റെ പശ്ചാത്തലത്തില്‍ സംസ്ഥാനത്ത് ഒന്ന് മുതല്‍ ഒമ്പതാം ക്ലാസ് വരെ സ്‌കൂളുകള്‍ അടയ്ക്കും. കോവിഡ് അവലോകന യോഗത്തിലാണ് തീരുമാനം. ഒന്നുമുതല്‍ ഒമ്പതാം ക്ലാസുകള്‍ വരെയാണ് അടച്ചിടുക. 10,11,12 ക്ലാസുകള്‍ക്ക് മാത്രമായിരിക്കും ഓഫ്‌ലൈന്‍ ക്ലാസുകള്‍ നടക്കുക. ജനുവരി 21 മുതല്‍ നിയന്ത്രണങ്ങള്‍ നിലവില്‍ വരും. വിദ്യാര്‍ഥികളുടെ കാര്യത്തില്‍ രക്ഷിതാക്കളുടെ ആശങ്കകള്‍ പരിഗണിച്ചാണ് ചെറിയ ക്ലാസുകള്‍ അടച്ചിട്ട് ഓണ്‍ലൈന്‍ പഠനം തുടരാനുള്ള തീരുമാനം. മറ്റ് മേഖലകളിലും നിയന്ത്രണങ്ങള്‍ ഉണ്ടായേക്കും.
