` മാവേലി എക്‌സ്പ്രസില്‍ യാത്രക്കാരന് പോലീസിന്റെ ക്രൂരമര്‍ദനം; കരണത്തടിച്ചു, ബൂട്ടിട്ട് ചവിട്ടി; കുറ്റം മദ്യപിച്ച് ടിക്കറ്റില്ലാതെ യാത്ര ചെയ്തു
കണ്ണൂര്‍ റെയില്‍വേ സ്റ്റേഷനില്‍ ചുമതലയുണ്ടായിരുന്ന എ. എസ്. ഐ കെ.വി പ്രമോദാണ് യാത്രക്കാരനെതിരെ അതിക്രമം കാണിച്ചത്. ഈ ഉദ്യോഗസ്ഥന്റെ കൂടെ സി.പി. ഒ രാഗേഷെന്ന പൊലിസുകാരനുണ്ടായിരുന്നുവെങ്കിലും ഇയാള്‍ യാത്രക്കാരനെ മര്‍ദ്ദിക്കുന്നതിന് കൂട്ടു നില്‍ക്കുകയായിരുന്നു. യാത്രക്കാരനെ മര്‍ദ്ദിച്ചതിനു ശേഷമാണ് രാത്രിയില്‍ മറ്റൊരു റെയില്‍വേ സ്റ്റേഷനില്‍ ഉപേക്ഷിച്ചത്.
കണ്ണൂര്‍ തലശേരിയില്‍ ട്രെയിനില്‍ യാത്രക്കാരനെതിരെ പൊലിസ് അതിക്രമം. ടിക്കറ്റില്ലാതെ സ്ളീപ്പര്‍ ക്ലാസില്‍ യാത്ര ചെയ്തുവെന്നാരോപിച്ചു പരിശോധനയ്ക്കിടെയാണ് റെയില്‍വേ പൊലിസ് യാത്രക്കാരനുനേരെ ക്രൂരമായ മര്‍ദ്ദനമഴിച്ചുവിട്ടത്.
കംപാര്‍ട്ടുമെന്റില്‍ പരിശോധനയ്ക്കു കയറിയ എ. എസ്. ഐ യാത്രക്കാരന്റെ കരണത്തടിച്ച് നിലത്തിട്ട് ബൂട്ടണിഞ്ഞ കാലുകൊണ്ടു ചവുട്ടുകയും വടകര റെയില്‍വേ സ്റ്റേഷനില്‍ വലിച്ചിഴച്ചു പുറത്തേക്കെറിയുകയുമായിരുന്നു. ഞായറാഴ്ച്ച രാത്രി മാവേലി എക്സ്പ്രസിലാണ് സംഭവം നടന്നത്.
കണ്ണൂര്‍ റെയില്‍വേ സ്റ്റേഷനില്‍ ചുമതലയുണ്ടായിരുന്ന എ. എസ്. ഐ കെ.വി പ്രമോദാണ് യാത്രക്കാരനെതിരെ അതിക്രമം കാണിച്ചത്. ഈ ഉദ്യോഗസ്ഥന്റെ കൂടെ സി.പി. ഒ രാഗേഷെന്ന പൊലിസുകാരനുണ്ടായിരുന്നുവെങ്കിലും ഇയാള്‍ യാത്രക്കാരനെ മര്‍ദ്ദിക്കുന്നതിന് കൂട്ടു നില്‍ക്കുകയായിരുന്നു. യാത്രക്കാരനെ മര്‍ദ്ദിച്ചതിനു ശേഷമാണ് രാത്രിയില്‍ മറ്റൊരു റെയില്‍വേ സ്റ്റേഷനില്‍ ഉപേക്ഷിച്ചത്.
ബഹളം കേട്ടത്തെിയ ഈ കംപാര്‍ട്ട്മെന്റില്‍ യാത്ര ചെയ്തിരുന്ന മറ്റു യാത്രക്കാര്‍ മര്‍ദ്ദിക്കരുതെന്നു ആവശ്യപ്പെട്ടുവെങ്കിലും ഇതുകേള്‍ക്കാതെ എ. എസ്. ഐ മര്‍ദ്ദനമഴിച്ചുവിടുകയായിരുന്നു. ഇതേ തുടര്‍ന്ന് യാത്രക്കാരിലൊരാള്‍ മൊബൈല്‍ ഫോണില്‍ ദൃശ്യങ്ങള്‍ പകര്‍ത്തുകയായിരുന്നു. ഇതു ദൃശ്യമാധ്യമങ്ങളില്‍ പ്രചരിച്ചതോടെയാണ് സംഭവം പുറത്തറിയുന്നത്.യാത്രക്കാരനെ മര്‍ദ്ദിച്ചതിനു ശേഷം ടി.ടി. സ്ഥലത്തെത്തുകയും ഇയാളെ രാത്രിയില്‍ വടകര റെയില്‍വേ സ്റ്റേഷനില്‍ ഇറക്കി വിടാന്‍ കൂട്ടുനില്‍ക്കുകയായിരുന്നു.
ഓര്‍ഡിനറി കംപാര്‍ട്ട് മെന്റില്‍ ടിക്കറ്റെടുത്ത യാത്രക്കാരന് സ്ളീപ്പറില്‍ കയറിയതിനാണ് പൊലിസ് മര്‍ദ്ദനമഴിച്ചുവിട്ടത്. ട്രെയിനില്‍ കുറ്റകൃത്യങ്ങള്‍ തടയുന്നതിന്റെ ഭാഗമായാണ് യാത്രക്കാരനെതിരെ നടപടി സ്വീകരിച്ചതെന്നാണ് മര്‍ദ്ദനം നടത്തിയ എ. എസ്. ഐയുടെ വിശദീകരണം. എന്നാല്‍ ഇയാള്‍ യാത്രക്കാരനെ മര്‍ദ്ദിക്കുന്നത് ദൃശ്യങ്ങളില്‍ നിന്നും വ്യക്തമാണ്. സാധാരണയായി ടിക്കറ്റില്ലാതെ യാത്രക്കാര്‍ക്ക് പിഴ ചുമത്തുകയോ അവരെ ട്രെയിനില്‍ നിന്നും ഇറക്കി വിടുകയോ ചെയ്യുന്നത് ടി. ടി.യുടെ ചുമതലയാണ്. ടിക്കറ്റില്ലാതെ ഒരാള്‍ യാത്ര ചെയ്താല്‍ ട്രെയിന്‍ പുറപ്പെടുന്ന സ്ഥലത്തു നിന്നുമുള്ള ടിക്കറ്റ് നിരക്കോ 250രൂപ പിഴയീടാക്കുകയോ കേസെടുക്കുകയോയാണ് ചെയ്യാറുള്ളത്. ഇതു മറികടന്നുകൊണ്ടാണ് പൊലിസ് ഉദ്യോഗസ്ഥന്റെ അതിക്രമം നടന്നത്.
ഇന്നലെ രാത്രി കാസര്‍കോടു നിന്നും തിരുവനന്തപുരത്തേക്ക് പോയ മാവേലി എക്സ് പ്രസ് തലശേരിയിലെത്തിയപ്പോഴാണ് പൊലിസ് അതിക്രമം നടന്നത്. മര്‍ദ്ദിച്ച യാത്രക്കാരന്റെ പേരോ മറ്റുവിവരങ്ങളോ ടിക്കറ്റോ ചോദിക്കാതെയാണ് പൊലിസ് അതിക്രമം നടത്തിയതെന്നാണ് മറ്റു യാത്രക്കാര്‍ പറയുന്നത്. എന്നാല്‍ ഈക്കാര്യം പിന്നീട് മര്‍ദ്ദനം അഴിച്ചുവിട്ട പൊലിസ് എ. എസ്. ഐയും നിഷേധിച്ചിട്ടില്ല. യാത്രക്കാരുടെ സുരക്ഷയെ കരുതിയാണ് തങ്ങള്‍ പരിശോധന നടത്തിയതെന്നും ടിക്കറ്റെടുക്കാതെ മറ്റു കംപാര്‍ട്ടുമെന്റുകളില്‍ കയറുന്നത് അക്രമവും പിടിച്ചു പറിയും നടത്തുന്നത് പതിവാണെന്നുമാണ് ഇദ്ദേഹത്തിന്റെ വിശദീകരണം.സംഭവം വിവാദമായതിനെ തുടര്‍ന്ന് റെയില്‍വേ അധികൃതര്‍ അന്വേഷണമാരംഭിച്ചിട്ടുണ്ട്.
സംഭവത്തില്‍ അന്വേഷണം നടത്തുമെന്ന്് കണ്ണൂര്‍ സിറ്റി പോലീസ് കമ്മീഷണര്‍ ആര്‍.ഇളങ്കോ പറഞ്ഞു. സ്‌പെഷ്യല്‍ ബ്രാഞ്ച് ഡി.സി.പിക്കാണ് അന്വേഷണ ചുമതല.
ADV:-
ഒഴിവ് സമയങ്ങളിൽ ഇനി ഇംഗ്ലിഷ് സംസാരിക്കാൻ പഠിക്കാം….🤷🏻♂️
ഒരു പേർസണൽ ട്രൈനെറുടെ സഹായത്തോടെ Speaking Partners നോട്‌ ചാറ്റ് ചെയ്തും സംസാരിച്ചും പരിശീലിക്കാം
👉🏻 ENGLISH WEB SERIES & MOVIES CLIPS ലൂടെ ഇംഗ്ലിഷ് പഠിപ്പിക്കുന്നു.
🇺🇸🇬🇧
ഇംഗ്ലിഷ് സംസാരിക്കാൻ ചില കോഡുകൾ മാത്രം മതി. ആയിരക്കണക്കിന് ആളുകൾക്ക് മാറ്റമുണ്ടാക്കിയ ഇംഗ്ലീഷ് പരിശീലനം..
Course Fee ₹ 2000 /-
NOW OFFER: 1499-Only
💯കോഴ്സിൽ satisfied അല്ലെങ്കിൽ full cashback.💯
NEXT BATCH STARTS ON DECEMBER 17
Admission to2️⃣2️⃣nd Batch Continues…
For details, 👇🏻
വാട്സ്ആപ്പ് ചെയ്യൂ:
https://wa.me/919074206696?text=Hi_details_pls
Call: 9074 206 696*
ENGLISH TIME,Calicut
▫️▫️▫️▫️▫️▫️▫️▫️
🌸🔆 Kindly Share 🙏
▫️▫️▫️▫️▫️▫️▫️▫️
