പുതുവർഷപ്പുലരിയിൽ രണ്ട് വാഹനാപകടങ്ങൾ, പൊലിഞ്ഞത് നാലുജീവനുകൾ
കണ്ണൂർ: പുതുവർഷാരംഭത്തിൽ സംസ്ഥാനത്തിന്റെ വിവിധ ഭാഗങ്ങളിലുണ്ടായ അപകടങ്ങളിൽ നാലുപേർ മരിച്ചു. കണ്ണൂര്‍ പാപ്പിനിശ്ശേരിയിലും തൃശൂര്‍ പെരിഞ്ഞനത്ത് ദേശീയപാതയിലുമാണ് അപകടങ്ങളുണ്ടായത്.കണ്ണൂര്‍ പാപ്പിനിശേരിയിൽ ഓട്ടോയിൽ ലോറിയിടിച്ചാണ് അപകടമുണ്ടായത്. വടകര സ്വദേശികളായ അശ്വന്ത്, കമൽജിത്ത് എന്നിവരാണ് അപകടത്തിൽ മരിച്ചത്. ഓട്ടോയിൽ സഞ്ചരിച്ചിരുന്നവരാണ് മരണമടഞ്ഞ ഇരുവരും.അപകടം നടന്നയുടൻ നാട്ടുകാർ ഇവരെ ആശുപത്രിയിലെത്തിച്ചെങ്കിലും അപ്പോഴേക്കും മരിച്ചിരുന്നുവെന്ന് ആശുപത്രി അധികൃതർ അറിയിക്കുകയായിരുന്നു.പുലര്‍ച്ചെ ഒരുമണിയോടോയായിരുന്നു തൃശൂര്‍ പെരിഞ്ഞനത്ത് ദേശീയപാതയില്‍ പിക്ക് അപ് വാനും ബൈക്കും കൂട്ടിയിടിച്ച് അപകടമുണ്ടായത്. ബൈക്ക് യാത്രികരായ മതിലകം സ്വദേശി അന്‍സില്‍, കാക്കാത്തിരുത്തി സ്വദേശി രാഹുല്‍ എന്നിവരാണ് മരിച്ചത്.
