കാണാതായ സ്‌കൂൾ വിദ്യാർത്ഥിനി പെരിയാറിൽ മരിച്ച നിലയിൽ, തെരച്ചിലിന് സഹായിച്ചത് സിസിടിവി ദൃശ്യങ്ങൾ
ആലുവ : കഴിഞ്ഞ ദിവസം കാണാതായ സ്‌കൂൾ വിദ്യാർത്ഥിനിയുടെ മൃതദേഹം പെരിയാറിൽ നിന്നും കണ്ടെടുത്തു. കോട്ടപ്പുറം കെഇഎംഎച്ച് സ്‌കൂളിലെ പത്താംക്ലാസ് വിദ്യാർത്ഥിനിയായ ആലുങ്കപറമ്പിൽ രാജേഷിന്റെ മകൾ നന്ദനയെയാണ് മരിച്ച നിലയിൽ കണ്ടെത്തിയത്. കഴിഞ്ഞ ദിവസം സ്‌കൂളിൽ പോയ കുട്ടിയെ കാണാതായതോടെ നടന്ന തെരച്ചിലിലാണ് പെരിയാറിൽ നിന്നും മൃതദേഹം കണ്ടെത്തിയത്. സിസിടിവി ദൃശ്യങ്ങളിൽ പെൺകുട്ടി പെരിയാർ തീരത്തേക്ക് പോകുന്ന ദൃശ്യങ്ങൾ ലഭിച്ചിരുന്നു. തടിക്ക കടവിന് സമീപം വച്ചാണ് വിദ്യാർത്ഥിനിയെ കാണാതായത്. പെരിയാർ തീരത്ത് നിന്നും കുട്ടിയുടെ ബാഗ് ലഭിച്ചതോടെ ഫയർഫോഴ്സും നാട്ടുകാരും തെരച്ചിൽ നടത്തിയതിനെ തുടർന്നാണ് തടിക്ക കടവിന് സമീപം പെരിയാറിൽ നിന്ന് മൃതദേഹം കണ്ടെത്തിയത്.
