പാലക്കാട് ആർ.എസ്.എസ് പ്രവർത്തകനെ വെട്ടിക്കൊന്നു
പാലക്കാട്: പാലക്കാട് ആർ.എസ്.എസ് പ്രവർത്തകനെ വെട്ടിക്കൊന്നു. മമ്പറത്ത് എലപ്പുള്ളി സ്വദേശി സഞ്ജിത് (27) ആണ് മരിച്ചത്. തിങ്കളാഴ്ച രാവിലെ ഒമ്പതോടെയായിരുന്നു കൊലപാതകം.
സഞ്ജിത് ഭാര്യയുമായി ബൈക്കിൽ വരുമ്പോൾ കാറിലെത്തിയ അക്രമി സംഘം തടഞ്ഞു നിർത്തി വെട്ടുകയായിരുന്നു. നേരത്തെ നടന്ന രാഷ്ട്രീയ സംഘർഷത്തിന്‍റെ തുടർച്ചയാണ് കൊലപാതകമെന്ന് പൊലീസ് പറഞ്ഞു.
നാലു പേരാണ് ആക്രമണം നടത്തിയതെന്നും ഇവർ ഒളിവിൽ പോയതായും പൊലീസ് പറഞ്ഞു. എസ്.ഡി.പി.ഐ പ്രവർത്തകരാണ് കൊലപാതകത്തിന് പിന്നിലെന്ന് ബി.ജെ.പി ആരോപിച്ചു.
