ദർശനയ്ക്ക് ശേഷം ‘ഹൃദയ’ത്തിലെ അടുത്ത പാട്ട് എന്നു വരും ? സംഗീത സംവിധായകൻ ഹിഷാം നൽകുന്ന ഉത്തരം
ഹൃദയം’ സിനിമയിലെ ദർശന എന്ന പാട്ട് ഇതിനകം മലയാളികളുടെ മനസിൽ ചേക്കേറി കഴിഞ്ഞു. പ്രണവ് മോഹൻലാലിന്റെ ഗംഭീര തിരിച്ചുവരവിനായിരിക്കും ‘ഹൃദയം’ സാക്ഷ്യം വഹിക്കുക എന്ന കണക്കുകൂട്ടലിലാണ് ആദ്യ ഗാനം കഴിഞ്ഞപ്പോഴേക്കും വിലയിരുത്തപ്പെടുന്നത്. കൗമുദി ടി വിക്ക് അനുവദിച്ച അഭിമുഖത്തിൽ ഹൃദയത്തിന്റെ സംഗീത സംവിധായകനായ ഹിഷാം അബ്ദുൾ വഹാബ് ചിത്രത്തിന്റെ ഇനി വരാനുള്ള പാട്ടുകളെ കുറിച്ചും വാചാലനാവുകയാണ്. ദർശനയ്ക്ക് ശേഷം ഹൃദയത്തിലെ അടുത്ത പാട്ട് എന്നു വരും എന്ന ചോദ്യത്തിന് ഉടനെ എന്ന മറുപടിയാണ് അദ്ദേഹം നൽകുന്നത്. കാരണം ഇനി അടുത്ത വർഷം ആദ്യം റിലീസിനൊരുങ്ങുന്ന ചിത്രത്തിലെ എല്ലാ പാട്ടുകളും റിലീസിന് മുൻപേ പുറത്ത് വരണം, അതിനായി ഇനി രണ്ട് മാസം മാത്രമേയുള്ളു. പതിനഞ്ച് ഗാനങ്ങളാൽ സമ്പന്നമാണ് ‘ഹൃദയം’.
