ഇനിയാണ് കളിടി20 ലോകകപ്പില് സൂപ്പര് 12 ഘട്ടത്തിന് ഇന്ന് തുടക്കംഇന്ത്യ നാളെ പാകിസ്താനെ നേരിടും
ദുബായ്:ട്വന്റി20 ലോകകപ്പിലെ സൂപ്പര് 12 പോരാട്ടങ്ങള്ക്ക് ഇന്ന് തുടക്കമാകും. രണ്ടു മത്സരങ്ങളാണ് ഇന്ന് നടക്കുന്നത്. ആദ്യ മത്സരത്തില് ആസ്ട്രേലിയ – സൗത്ത് ആഫ്രിക്കയെ നേരിടും. ഇന്ത്യന് സമയം വൈകീട്ട് 3.30നാണ് മത്സരം ആരംഭിക്കുക. സന്നാഹ മത്സരങ്ങളില് മികച്ച പ്രകടനം പുറത്തെടുത്താണ് സൗത്ത് ആഫ്രിക്ക എത്തുന്നതെങ്കില് സന്നാഹ മത്സരത്തിലെ രണ്ടാം മത്സരത്തില് ഇന്ത്യയോടേറ്റ ദയനീയ പരാജയത്തിന്റെ ഓര്മയുമായാണ് ഓസ്ട്രേലിയ ഇന്ന് ഇറങ്ങുന്നത്. ഇന്ന് നടക്കുന്ന രണ്ടാമത്തെ മത്സരത്തില് ഇംഗ്ലണ്ട് – വെസ്റ്റ് ഇന്ഡീസിനെ നേരിടും. ഇന്ത്യന് സമയം രാത്രി 7.30 നാണ് മത്സരം ആരംഭിക്കുന്നത്. ടി20 റാങ്കിങില് ഒന്നാം നമ്പറുകാരായ ഇംഗ്ലണ്ട് അവസാന സന്നാഹ മത്സരത്തില് ന്യൂസിലാന്ഡിനെ പരാജയപ്പെടുത്തിയിരുന്നു. എന്നാല് സന്നാഹ മത്സരങ്ങളില് പാകിസ്താനോടും അഫ്ഗാനിസ്ഥാനോടും പരാജയപ്പെട്ടാണ് വെസ്റ്റ് ഇന്ഡീസ് ഇന്ന് ഇറങ്ങുന്നത്. അതേസമയം, ഇന്ത്യയുടെ ആദ്യ മത്സരം നാളെ പാകിസ്താന് എതിരെയാണ്. രണ്ടു സന്നാഹ മത്സരങ്ങളിലും മികച്ച പ്രകടനമാണ് ഇന്ത്യ പുറത്തെടുത്തത്. ഇംഗ്ലണ്ടിനെയും ഓസ്ട്രേലിയയെയുമായിരുന്നു ഇന്ത്യ പരാജയപ്പെടുത്തിയത്. അതേസമയം, സന്നാഹ മത്സരങ്ങളിലെ ആദ്യ മത്സരത്തില് വെസ്റ്റ് ഇന്ഡീസിനെ തോല്പ്പിച്ചിരുന്നെങ്കിലും രണ്ടാം മത്സരത്തില് പാകിസ്താന് പരാജയപ്പെട്ടിരുന്നു.