വന്മാറ്റത്തിന് ഒരുങ്ങി ഫെയ്സ്ബുക്ക്, പേരും മാറിയേക്കും
ന്യൂയോര്ക്ക്: ഫെയ്സ്ബുക്ക് അതിന്റെ ബ്രാന്ഡ് നെയിം മാറ്റാന് പദ്ധതിയിടുന്നതായി റിപ്പോര്ട്ട്. ഇന്സ്റ്റഗ്രാം, വാട്സാപ്പ് എന്നിവയുടെ ഉടമസ്ഥത കൂടിയുള്ള ഫെയ്സ്ബുക്ക് അതിന്റെ മാതൃകമ്പനിക്ക് പുതിയ പേര് കണ്ടെത്തിയിട്ടുണ്ടെന്നാണ് വിവരം.
യുഎസ് ടെക്നോളജി ബ്ലോഗ് ആയ വെര്ജാണ് ഇത് സംബന്ധിച്ച് റിപ്പോര്ട്ട് ചെയ്തിരിക്കുന്നത്. ഒക്ടോബര് 28-ന് നടക്കുന്ന ഫെയ്സ്ബുക്കിന്റെ വാര്ഷിക കണക്ട് കോണ്ഫറന്സില് മാര്ക് സക്കര്ബര്ഗ് പേരുമാറ്റം പ്രഖ്യാപിക്കുമെന്നാണ് പറയുന്നത്.
ഫെയ്സ്ബുക്ക് പ്ലാറ്റ്ഫോം നിലവിലുള്ളത് പോലെ തുടരുന്നതിനാല് പേര് മാറ്റം ഉപഭോക്താക്കളെ നേരിട്ട് ബാധിക്കില്ല.
ഒരു സോഷ്യല് മീഡിയ കമ്പനിയായി മാത്രം ഒതുങ്ങാതെ അതിന്റെ പ്രവര്ത്തനം വ്യാപിപ്പിക്കുന്നതിനുള്ള ഒരുക്കത്തിന്റെ ഭാഗമായിട്ടാണ് ഈ നടപടിയെന്നാണ് വിലയിരുത്തുന്നത്.