വിഭാഗീയത അവസാനിച്ചില്ല; ഐ.എൻ.എല്ലിലെ തർക്കം വീണ്ടും പൊട്ടിത്തെറിയിലേക്ക്

വിഭാഗീയത അവസാനിച്ചില്ല; ഐ.എൻ.എല്ലിലെ തർക്കം വീണ്ടും പൊട്ടിത്തെറിയിലേക്ക്

കോ​ഴി​ക്കോ​ട്​: തീ​ർ​ത്തി​ട്ടും തീ​രാ​തെ ഐ.​എ​ൻ.​എ​ല്ലി​ലെ ക​ല​ഹം വീ​ണ്ടും പൊട്ടിത്തെ​റി​യി​ലേ​ക്ക്. കാസിം ഇ​രി​ക്കൂ​ർ, വ​ഹാ​ബ്​ വി​ഭാ​ഗ​ങ്ങ​ൾ ത​മ്മി​ലെ പോര്​ പി​ള​ർ​പ്പി​ലേ​ക്ക്​ നീങ്ങി​യ​തോ​ടെ കാന്തപുരം അ​ബൂ​ബ​ക്ക​ർ മു​സ്​​ലി​യാ​ർ മ​ധ്യ​സ്​​ഥ​നാ​യി ഒ​ത്തു​തീ​ർ​ത്തെങ്കി​ലും ഇ​രു​വി​ഭാ​ഗ​വും വെ​ടി​നി​ർ​ത്ത​ൽ ലം​ഘി​ച്ച്​ മു​ന്നോ​ട്ടു​ പോവുക​യാ​ണ്.

ഒ​ത്തു​തീ​ർ​പ്പ്​ വ്യ​വ​സ്​​ഥ​യ​നു​സ​രി​ച്ച്​ ഒ​ക്​​ടോ​ബ​ർ 10നകം ജി​ല്ല ക​ൺ​വെ​ൻ​ഷ​നു​ക​ൾ പൂ​ർ​ത്തി​യാ​ക്കി അംഗത്വവിതരണം പുനരാരം​ഭി​ക്കേ​ണ്ട​താ​യി​രു​ന്നു. എ​ന്നാ​ൽ, ഒ​രൊ​റ്റ കൺ​വെ​ൻ​ഷ​നും ചേ​ർ​ന്നി​ട്ടി​ല്ല. സം​സ്​​ഥാ​ന ക​മ്മി​റ്റി ഓഫി​സു​മാ​യി ബ​ന്ധ​പ്പെ​ട്ട്​ കോ​ഴി​ക്കോ​ട്​ മു​ൻ​സി​ഫ്​ കോ​ട​തി​യി​ൽ കാ​സിം പക്ഷം ന​ൽ​കി​യ കേ​സ്​ പിൻ​വ​ലി​ച്ചി​ട്ടു​മി​ല്ല. വ​ഹാ​ബ്​ പ​ക്ഷം വി​ഭാ​ഗീ​യ പ്ര​വ​ർ​ത്ത​നം തു​ട​രു​ന്ന​തി​നാ​ൽ കേസ്​ പി​ൻ​വ​ലി​ക്കാ​നാ​കി​ല്ലെ​ന്നാ​ണ്​​ കോ​ട​തി​യെ അറി​യി​ച്ച​ത്. കേ​സ്​ വ്യാ​ഴാ​ഴ്​​ച പ​രി​ഗ​ണി​ക്കു​ന്നു​ണ്ട്.

അം​ഗ​ത്വ കാ​മ്പ​യി​ൻ നടത്താ​ൻ ഇ​രു​വി​ഭാ​ഗ​ത്തി​ലെയും അ​ഞ്ചു​പേ​രെ ഉൾപ്പെ​ടു​ത്തി ഉ​പ​സ​മി​തി ഉണ്ടാ​ക്കി ഒ​രു​ത​വ​ണ യോഗം ചേർന്നെ​ങ്കി​ലും ജില്ല ക​ൺ​വെ​ൻ​ഷ​നു​ക​ൾ ന​ട​ക്കാ​ത്ത​തി​നാ​ൽ നേരത്തെ കാ​സിം പ​ക്ഷം തു​ട​ങ്ങി​വെ​ച്ച കാ​മ്പ​യി​ൻ പു​ന​രാ​രം​ഭി​ച്ചി​ട്ടി​ല്ല. വെ​ള്ളി​യാ​ഴ്​​ച കാ​സ​ർ​കോ​ട്​ കൺവെ​ൻ​ഷ​ൻ നി​ശ്ച​യി​ച്ചെ​ങ്കി​ലും അ​ന്ന്​ വ​ഹാ​ബ്​ അ​സൗ​ക​ര്യം അ​റി​യി​ച്ച​താ​യാ​ണ്​ അ​റി​യു​ന്ന​ത്. ഇ​തേ​ദി​വ​സം കോ​ഴി​ക്കോ​ട്​ സംഘ​ടി​പ്പി​ച്ച മ​റ്റൊ​രു പ​രി​പാ​ടി​യി​ൽ കാ​സിം പക്ഷത്തെ ത​ഴ​ഞ്ഞ​താ​യി പ​രാ​തി​യു​ണ്ട്.

എ​റ​ണാ​കു​ള​ത്ത്​ പ്ര​വ​ർ​ത്ത​ക​ സ​മി​തി​യോ​ട​നു​ബ​ന്ധി​ച്ച്​ ന​ട​ന്ന സം​ഘ​ർ​ഷ​ത്തി​ൽ പങ്കു​വ​ഹി​ച്ച​വ​രെ മാ​റ്റി​നി​ർ​ത്ത​ണ​മെ​ന്ന നി​ർ​ദേ​ശം അ​വ​ഗ​ണി​ച്ച്​ കോ​ഴി​ക്കോ​ട്​ ജില്ല ജ​ന. സെ​ക്ര​ട്ട​റി ഭാ​ര​വാ​ഹി​ത്വ​ത്തി​ൽ തു​ട​രു​ന്ന​തി​നെ കാ​സിം പ​ക്ഷം ചോ​ദ്യം​ചെ​യ്യു​ന്നു. അ​തി​നി​ടെ, നാ​ഷ​ന​ൽ സെ​ക്യു​ല​ർ കോ​ൺ​ഫ​റ​ൻ​സു​മാ​യി ചേ​ർ​ന്ന്​​ ഐ.​എ​ൻ.​എ​ൽ കേ​ര​ള രൂപ​വ​ത്​​ക​രി​ക്കാ​നും നീ​ക്ക​മു​ണ്ട്. ഇ​രു​വി​ഭാ​ഗ​വും വീണ്ടും വി​ഭാ​ഗീ​യ പ്ര​വ​ർ​ത്ത​ന​ങ്ങ​ളു​മാ​യി മു​ന്നോ​ട്ടു പോ​കു​ന്ന സാ​ഹ​ച​ര്യ​ത്തി​ൽ ഇ​ട​തു​മു​ന്ന​ണി എ​ന്ത്​ നില​പാ​ട്​ സ്വീ​ക​രി​ക്കു​മെ​ന്ന​ത്​ നി​ർ​ണാ​യ​ക​മാ​കും.