കുട്ടികളുടെ തിരോധാനം; നാട്​ മുൾമുനയിലായി,കണ്ടെത്തിയത്​ മണിക്കൂറുകൾക്ക്​ ശേഷം ആ​ന​ക്ക​ര ഹൈ​സ്കൂ​ളി​ന് സ​മീ​പം ക​ട​യു​ടെ ടെ​റ​സി​ന് മു​ക​ളി​ൽ​നി​ന്നാണ്​ കു​ട്ടി​ക​ളെ ക​ണ്ടെ​ത്തി​യ​ത്​

കുട്ടികളുടെ തിരോധാനം; നാട്​ മുൾമുനയിലായി,കണ്ടെത്തിയത്​ മണിക്കൂറുകൾക്ക്​ ശേഷം
ആ​ന​ക്ക​ര ഹൈ​സ്കൂ​ളി​ന് സ​മീ​പം ക​ട​യു​ടെ ടെ​റ​സി​ന് മു​ക​ളി​ൽ​നി​ന്നാണ്​ കു​ട്ടി​ക​ളെ ക​ണ്ടെ​ത്തി​യ​ത്​

ആ​ന​ക്ക​ര: തൃ​ത്താ​ല ക​പ്പൂ​രി​ൽ​നി​ന്ന് കാ​ണാ​താ​യ നാ​ലു കു​ട്ടി​ക​ളെ​യും മ​ണി​ക്കൂ​റു​ക​ൾ നീ​ണ്ട തി​ര​ച്ചി​ലി​നൊ​ടു​വി​ൽ ക​ണ്ടെ​ത്തി. ക​പ്പൂ​ർ പ​റ​ക്കു​ളം സ്വ​ദേ​ശി​ക​ളാ​യ നാ​ലു കു​ട്ടി​ക​ളെ​യാ​ണ് ചൊ​വ്വാ​ഴ്​​ച വൈ​കീ​ട്ട് മു​ത​ൽ കാ​ണാ​നി​ല്ലെ​ന്ന് കാ​ണി​ച്ച് ര​ക്ഷി​താ​ക്ക​ൾ പൊ​ലീ​സി​ൽ പ​രാ​തി ന​ൽ​കി​യ​ത്. തു​ട​ർ​ന്ന് പൊ​ലീ​സും നാ​ട്ടു​കാ​രും ചേ​ർ​ന്ന് ന​ട​ത്തി​യ തി​ര​ച്ചി​ലി​ൽ രാ​ത്രി ഒ​ന്നോ​ടെ ആ​ന​ക്ക​ര​യി​ൽ നി​ന്ന്​ ക​ണ്ടെ​ത്തു​ക​യാ​യി​രു​ന്നു.

ചൊ​വ്വാ​ഴ്​​ച രാ​ത്രി​യോ​ടെ​യാ​ണ്​ നാ​ടി​നെ​യാ​കെ മു​ൾ​മു​ന​യി​ലാ​ക്കി ക​പ്പൂ​ര്‍ പ​ഞ്ചാ​യ​ത്തി​ലെ പ​റ​ക്കു​ള​ത്ത് നാ​ല് ആ​ണ്‍കു​ട്ടി​ക​ളെ കാ​ണാ​നി​ല്ലെ​ന്ന വാ​ർ​ത്ത പ​ര​ന്ന​ത്. 14 വ​യ​സ്സു​ള്ള ഇ​ര​ട്ട സ​ഹോ​ദ​ര​ങ്ങ​ളെ​യും 12, ഒ​മ്പ​ത്​ വ​യ​സ്സു​ള്ള കു​ട്ടി​ക​ളെ​യു​മാ​ണ് കാ​ണാ​താ​യ​ത്. ഏ​താ​നും മാ​സം മു​മ്പാ​ണ് കു​ട്ടി​ക​ളു​ടെ കു​ടും​ബം പ്ര​ദേ​ശ​ത്ത് താ​മ​സ​മാ​ക്കി​യ​ത്. വൈ​കു​ന്നേ​രം വീ​ട്ടി​ല്‍നി​ന്ന് ക​ളി​ക്കാ​നാ​യി പു​റ​ത്ത് പോ​യി ഏ​ഴോ​ടെ തി​രി​ച്ചെ​ത്താ​റു​ള്ള കു​ട്ടി​ക​ൾ ചൊ​വ്വാ​ഴ്​​ച സ​മ​യം ഏ​റെ വൈ​കി​യി​ട്ടും തി​രി​ച്ചെ​ത്തി​യി​ല്ല.

തു​ട​ര്‍ന്ന് ബ​ന്ധു​ക്ക​ള്‍ തൃ​ത്താ​ല പോ​ലീ​സി​ല്‍ പ​രാ​തി ന​ല്‍കി. പോ​ലീ​സും നാ​ട്ടു​കാ​രും ബ​ന്ധു​ക്ക​ളും കു​ട്ടി​ക​ള്‍ക്കാ​യി തി​ര​ച്ചി​ല്‍ ആ​രം​ഭി​ച്ചു. ഇ​തി​നി​ടെ ആ​ന​ക്ക​ര​യി​ലെ റോ​ഡി​ലൂ​ടെ കു​റ്റി​പ്പു​റം ഭാ​ഗ​ത്തേ​ക്ക് രാ​ത്രി എ​ട്ടി​ന്​ കു​ട്ടി​ക​ള്‍ ന​ട​ന്നു​പോ​വു​ന്ന സി.​സി.​ടി.​വി ദൃ​ശ്യ​ങ്ങ​ൾ ല​ഭി​ച്ചു. തു​ട​ർ​ന്ന് ഈ ​മേ​ഖ​ല​ക​ൾ കേ​ന്ദ്രീ​ക​രി​ച്ചാ​യി അ​ന്വേ​ഷ​ണം. ഒ​ടു​വി​ൽ ആ​ന​ക്ക​ര ഹൈ​സ്കൂ​ളി​ന് സ​മീ​പം ക​ട​യു​ടെ ടെ​റ​സി​ന് മു​ക​ളി​ൽ​നി​ന്ന്​ കു​ട്ടി​ക​ളെ ക​ണ്ടെ​ത്തി. ഇ​വി​ടെ കി​ട​ന്നു​റ​ങ്ങു​ക​യാ​യി​രു​ന്നു കു​ട്ടി​ക​ൾ.

സ്ഥ​ല​പ​രി​ച​യ​മി​ല്ലാ​ത്ത​തി​നാ​ല്‍ തി​രി​ച്ചു​വ​രാ​നു​ള്ള വ​ഴി​യ​റി​യാ​തെ വി​ഷ​മി​ക്കു​ക​യാ​യി​രു​ന്നു​വെ​ന്ന്​ കു​ട്ടി​ക​ൾ പ​റ​ഞ്ഞു. ഇ​രു​ട്ടാ​യ​തോ​ടെ അ​ടു​ത്തു ക​ണ്ട കെ​ട്ടി​ട​ത്തി​ന് മു​ക​ളി​ല്‍ ക​യ​റി വി​ശ്ര​മി​ക്കു​ന്ന​തി​നി​ടെ ഉ​റ​ങ്ങി​പ്പോ​യി. കെ​ട്ടി​ട​ത്തി​ന് ചു​വ​ടെ സം​ശ​യാ​സ്പ​ദ​മാ​യ രീ​തി​യി​ല്‍ ചെ​രി​പ്പ് ക​ണ്ട​​തോ​ടെ ന​ട​ത്തി​യ പ​രി​ശോ​ധ​ന​യി​ലാ​ണ്​ കു​ട്ടി​ക​ളെ ക​ണ്ടെ​ത്തി​യ​ത്. ഇ​തി​ൽ ഒ​രു കു​ട്ടി​യു​ടെ സൈ​ക്കി​ൾ ന​ന്നാ​ക്കാ​ൻ കൊ​ടു​ത്തി​രു​ന്നു. അ​ത് വാ​ങ്ങാ​ൻ പോ​യെ​ങ്കി​ലും കി​ട്ടാ​തെ വ​ന്ന​തോ​ടെ അ​ണ്ണാ​ൻ​കു​ഞ്ഞി​നെ പി​ടി​ക്കാ​ൻ പോ​യി. അ​തും കി​ട്ടി​യി​ല്ല. അ​ങ്ങ​നെ കു​റ​ച്ചു ദൂ​രം ന​ട​ക്കു​ക​യാ​യി​രു​ന്നു​വെ​ന്നു​മാ​ണ് കു​ട്ടി​ക​ൾ പ​റ​യു​ന്ന​ത്.