362 കോടിയുടെ വികസനം; ഒരേസമയം ഉദ്ഘാടനം ചെയ്യുന്നത്‌ 92 സ്കൂള് കെട്ടിടം, 48 ഹയര്സെക്കന്ഡറി ലാബ്‌, 3 ഹയര്സെക്കന്ഡറി ലൈബ്രറികള്
തിരുവനന്തപുരം : എല്‍ഡിഎഫ് സര്ക്കാരിന്റെ നൂറുദിന കര്മ്മപദ്ധതിയുടെ ഭാഗമായി 14 ന് 3.30 ന് 92 സ്കൂള് കെട്ടിടങ്ങള്, 48 ഹയര്സെക്കന്ഡറി ലാബുകള്, 3 ഹയര്സെക്കന്ഡറി ലൈബ്രറികള് എന്നിവയുടെ ഉദ്ഘാടനവും 107 പുതിയ സ്കൂള് കെട്ടിടങ്ങളുടെ തറക്കല്ലിടലും മുഖ്യമന്ത്രി പിണറായി വിജയന് ഓണ്ലൈനായി നിര്വ്വഹിക്കും. ആകെ 250 കേന്ദ്രങ്ങളിലാണ് ചടങ്ങുകള് നടക്കുന്നത്.
92 സ്കൂള് കെട്ടിടങ്ങളില് കിഫ്ബിയുടെ 5 കോടി ധനസഹായത്തോടെയുള്ള 11 സ്കൂള് കെട്ടിടങ്ങള്, 3 കോടി ധനസഹായത്തോടെയുള്ള 23 സ്കൂള് കെട്ടിടങ്ങള്, പ്ലാന് ഫണ്ട്, സമഗ്രശിക്ഷ കേരളം ഫണ്ട്, നബാര്ഡ് ഫണ്ട്, എംഎല്‌എഫണ്ട് എന്നിവ ഉപയോഗിച്ച്‌ 58 സ്കൂള് കെട്ടിടങ്ങള് എന്നിവ ഉള്പ്പെടും.
തറക്കല്ലിടുന്ന സ്കൂള് കെട്ടിടങ്ങളില് 84 എണ്ണം കിഫ്ബിയുടെ ഒരു കോടി ധനസഹായത്തോടെ കില എസ്പിവിയായി നിര്മ്മാണം നടത്തുന്ന സ്കൂള് കെട്ടിടങ്ങളാണ്. ബാക്കി 23 എണ്ണം പ്ലാന് ഫണ്ട് വിനിയോഗിച്ചുമാണ്. ഉദ്ഘാടനം ചെയ്യുന്ന ഹയര്സെക്കന്ഡറി ലാബും, ലൈബ്രറിയും പ്ലാന് ഫണ്ട് ഉപയോഗിച്ച്‌ നിര്മ്മാണം പൂര്ത്തിയാക്കിയവയാണ്. ശിലാസ്ഥാപനം നടത്തുന്ന കെട്ടിടങ്ങള്ക്ക് 124 കോടി രൂപയും ചെലവ് പ്രതീക്ഷിക്കുന്നു.
മുഖ്യമന്ത്രിയുള്പ്പെടെ 18 മന്ത്രിമാര്, പ്രതിപക്ഷ നേതാവ്, ചീഫ് വിപ്പ് എന്നിവരെക്കൂടാതെ 93 എംഎല്‌എമാരും ചടങ്ങിന്റെ ഭാഗമാകും. ചീഫ് സെക്രട്ടറി ഡോ. വി പി ജോയ് സ്വാഗതവും പൊതുവിദ്യാഭ്യാസ പ്രിന്സിപ്പല് സെക്രട്ടറി എ പി എം മുഹമ്മദ് ഹനീഷ് നന്ദിയും ആശംസിക്കും.
നവകേരളം കര്മ്മപദ്ധതി കോ-ഓര്ഡിനേറ്റര് ഡോ. ടി എന് സീമ, പൊതുവിദ്യാഭ്യാസ ഡയറക്ടറും പൊതുവിദ്യാഭ്യാസ സംരക്ഷണ യജ്ഞം സിഇഒയുമായ ജീവന് ബാബുകെ, എസ്സിഇആര്ടി ഡയറക്ടര് ഡോ. ജെ പ്രസാദ്, കില ഡയറക്ടര് ജനറല് ഡോ. ജോയ് ഇളമണ്, കൈറ്റ് സിഇഒ അന്വര് സാദത്ത്, സമഗ്രശിക്ഷ സ്റ്റേറ്റ് പ്രോജക്‌ട് ഡയറക്ടര് ഡോ. എ പി കുട്ടികൃഷ്ണന് എസ്‌ഐഇടി ഡയറക്ടര് അബുരാജ്, സീമാറ്റ് ഡയറക്ടര് ഡോ. എം എ ലാല് എന്നിവര് പങ്കെടുക്കും.
