തിരുവനന്തപുരം: കവി അക്കിത്തം അച്യുതന് നമ്പൂതിരിക്ക് ജ്ഞാനപീഠം പുരസ്കാരം. ജ്ഞാനപീഠം പുരസ്കാരം നേടുന്ന ആറാമത്തെ മലയാളിയാണ് അക്കിത്തം. 2017 ല് അദ്ദേഹത്തിന് പത്മശ്രീ നല്കി രാജ്യം ആദരിച്ചിരുന്നു. 2008 ല് എഴുത്തച്ഛന് പുരസ്കാരവും ലഭിചു.
സംസ്കൃതത്തിലും സംഗീതത്തിലും ജ്യോതിഷത്തിലും അവഗാഹം നേടിയ അക്കിത്തം 1946 മുതല് മൂന്നു കൊല്ലം ഉണ്ണിനമ്പൂതിരിയുടെ പ്രസാധകനായി. ഉണ്ണിനമ്പൂതിരിയിലൂടെ സമുദായ പ്രവര്ത്തനത്തിലേക്ക് ഇറങ്ങിയ അദ്ദേഹം മംഗളോദയം, യോഗക്ഷേമം എന്നിവയുടെ സഹ പത്രാധിപരായും പ്രവര്ത്തിച്ചിട്ടുണ്ട്.
1956 മുതല് കോഴിക്കോട് ആകാശവാണി നിലയത്തില് സ്ക്രിപ്റ്റ് എഴുത്തുകാരനായി പ്രവര്ത്തിച്ച അദ്ദേഹം 1975ല് ആകാശവാണി തൃശ്ശൂര് നിലയത്തില് എഡിറ്ററായും ചുമതല വഹിച്ചിട്ടുണ്ട്. 1985ല് ആകാശവാണിയില് നിന്ന് വിരമിച്ചു.
കവിതകളും നാടകവും ചെറുകഥകളും ഉപന്യാസങ്ങളുമായി 46 ഓളം കൃതികള് മഹാകവി അക്കിത്തത്തിന്റെ സംഭാവനയായി മലയാളത്തിന് ലഭിച്ചിട്ടുണ്ട്.
ഇരുപതാം നൂറ്റാണ്ടിന്റെ ഇതിഹാസം, ഭാഗവതം, നിമിഷ ക്ഷേത്രം, വെണ്ണക്കല്ലിന്റെ കഥ, ബലിദര്ശനം, മനസ്സാക്ഷിയുടെ പൂക്കള്, അക്കിത്തത്തിന്റെ തിരഞ്ഞെടുത്ത കവിതകള്, പഞ്ചവര്ണ്ണക്കിളി, അരങ്ങേറ്റം, മധുവിധു, ഒരു കുല മുന്തിരിങ്ങ, ഇടിഞ്ഞു പൊളിഞ്ഞ ലോകം, അമൃതഗാഥിക, കളിക്കൊട്ടിലില്, സമത്വത്തിന്റെ ആകാശം, കരതലാമലകം, ആലഞ്ഞാട്ടമ്മ, പ്രതികാരദേവത, മധുവിധുവിനു ശേഷം, സ്പര്ശമണികള്, അഞ്ചു നാടോടിപ്പാട്ടുകള്, മാനസപൂജ എന്നിവയാണ് പ്രധാനകൃതികള്.
മാനവികതയിലൂന്നി നിന്നുള്ള ആത്മീയതയും ആഴത്തിലുള്ള ദാര്ശനികതയും അക്കിത്തം കവിതകളിലെ മുഖമുദ്രയാണ്.ഉപനയനം, സമാവര്ത്തനം എന്നീ ഉപന്യാസങ്ങളും അദ്ദേഹത്തിന്റേതായി പുറത്തുവന്നിട്ടുണ്ട്. ബലിദര്ശനം എന്നകൃതിക്ക് 1972 ല് കേരള സാഹിത്യഅക്കാദമി അവാര്ഡ് ലഭിച്ചു. 1973 ലെ കേന്ദ്രസാഹിത്യ അക്കാദമി അവാര്ഡ്, 1974 ലെ ഓടക്കുഴല് അവാര്ഡ്, സഞ്ജയന് പുരസ്കാരം, പത്മപ്രഭ പുരസ്കാരം, അമൃതകീര്ത്തി പുരസ്കാരം, സമഗ്രസംഭാവനയ്ക്കുള്ള 2008 ലെ എഴുത്തച്ഛന് പുരസ്കാരം എന്നിവയും ലഭിച്ചു.
ഇരുപതാം നൂറ്റാണ്ടിന്റെ ഇതിഹാസം എന്ന തന്റെ കവിതയ്ക്ക് 1952 ലെ സഞ്ജയന് അവാര്ഡ് നേടികൊടുത്തു. പിന്നീട് ഈ കവിത ആധുനിക മലയാളം കവിതയുടെ മുതല്കൂട്ടായി മാറി.
‘ഇരുപതാം നൂറ്റാണ്ടിന്റെ ഇതിഹാസം’ എന്ന കൃതിയില് നിന്നാണ് ‘വെളിച്ചം ദുഃഖമാണുണ്ണീ, തമസ്സല്ലോ സുഖപ്രദം’ എന്ന വരികള്. 1948-49കളില് കമ്യൂണിസ്റ്റുകാരുമായി ഉണ്ടായിരുന്ന അടുത്ത സഹവര്ത്തിത്വമായിരുന്നു ഈ കവിത എഴുതാനുള്ള പ്രചോദനം.ഇ.എം.എസ്. നമ്പൂതിരിപ്പാട് തുടങ്ങിയ കമ്യൂണിസ്റ്റ് നേതാക്കന്മാരുമായി അടുത്ത ബന്ധമുണ്ടായിരുന്നു.
മഹാകവിജി.ശങ്കരക്കുറുപ്പ്,തകഴി.ശിവശങ്കരപ്പിള്ള,എസ.കെ.പൊറ്റക്കാട്,ഓ.എൻ.വി.കുറുപ്പ്,എം.ടി.വാസുദേവൻ നായർ എന്നിവരാണ് മുമ്പ് ജ്ഞാനപീഠം പുരസ്ക്കാരത്തിന് അർഹരായ മലയാളികൾ.