വഴിയരികില് ഉറങ്ങുകയായിരുന്ന തൊഴിലാളികള്ക്ക് മുകളിലൂടെ ട്രക്ക് കയറി; 18 പേര് മരിച്ചു
ലക്നൗ: ഉത്തര്പ്രദേശിലെ ബാരാബങ്കിയില് നടപ്പാതയില് ഉറങ്ങുകയായിരുന്നവരുടെ മേല് ബസ് പാഞ്ഞുകയറി പതിനെട്ട് മരണം. ബീഹാറില് നിന്നുള്ള കുടിയേറ്റ തൊഴിലാളികളാണ് മരിച്ചത്.ലക്നൗ- അയോദ്ധ്യ ദേശീയ പാതയില് പുലര്ച്ചെ ഒന്നരയോടെയായിരുന്നു അപകടം.ഗുരുതരമായി പരിക്കേറ്റ പത്തൊന്പതുപേരെ ആശുപത്രിയില് പ്രവേശിപ്പിച്ചു.ഹരിയാനയില് നിന്ന് മടങ്ങുകയായിരുന്ന ബീഹാര് സ്വദേശികളുടെ ബസ് ബ്രേക്ക് ഡൗണായതിനെ തുടര്ന്ന് ഇവര് ഹൈവേക്ക് സമീപം കിടന്നുറങ്ങുകയായിരുന്നു.
നിര്ത്തിയിട്ട ബസിന് പിന്നില് അമിതവേഗതയിലെത്തിയ ട്രക്ക് ഇടിക്കുകയായിരുന്നു. അതിശക്തിയില് മുന്നോട്ടു നീങ്ങിയ ബസ് ഉറങ്ങിക്കിടന്നവര്ക്ക് മേല് പാഞ്ഞുകയറുകയായിരുന്നു. മുഖ്യമന്ത്രി യോഗി ആദിത്യനാഥ് അനുശോചനം രേഖപ്പെടുത്തി.