പ്രശസ്ത ഫോട്ടോഗ്രാഫറും സംവിധായകനുമായ ശിവൻ അന്തരിച്ചു
തിരുവനന്തപുരം: പ്രശസ്ത ഫോട്ടോഗ്രാഫറും സംവിധായകനുമായ ശിവന്‍ അന്തരിച്ചു. ഹൃദയാഘാതത്തെ തുടര്‍ന്നായിരുന്നു അന്ത്യം. 89 വയസായിരുന്നു.
സിനിമ, സാഹിത്യം, നാടകം തുടങ്ങിയ വിവിധ മേഖലകളിലെ സജീവ സാന്നിധ്യമായിരുന്നു ശിവന്‍ മലയാളത്തിലെ ആദ്യത്തെ പ്രസ് ഫോട്ടോഗ്രാഫറായാണ് അറിയപ്പെടുന്നത്‌. 1959 ൽ സ്ഥാപിച്ച ശിവൻ സ്റ്റുഡിയോയുടെ ഉടമയാണ്. ചെമ്മീൻ സിനിമയുടെ സ്റ്റിൽ ഫോട്ടോഗ്രാഫറായിരുന്നു. മൂന്നുതവണ ദേശീയ ചലച്ചിത്ര പുരസ്‌കാരം നേടിയിട്ടുണ്ട്.
1972ല്‍ സംവിധാനം ചെയ്ത സ്വപ്‌നം എന്ന ചലച്ചിത്രത്തിന് നാല് സംസ്ഥാന പുരസ്‌കാരങ്ങൾ ലഭിച്ചു. യാഗം, പിന്നീട് കൊച്ചു കൊച്ചു മോഹങ്ങള്‍, ഒരു യാത്ര, കിളിവാതില്‍, കേശു എന്നീ സിനിമകളൊരുക്കി. മലയാളത്തിലെ ആദ്യത്തെ കുട്ടികളുടെ ചിത്രമായ അഭയത്തിന്റെ സംവിധായകനായിരുന്നു ശിവൻ.
ചലച്ചിത്ര സംവിധായകന്‍ സംഗീത് ശിവന്‍, ഛായാഗ്രാഹകനും സംവിധായകനുമായ സന്തോഷ് ശിവന്‍, സംവിധായകന്‍ സഞ്ജീവ് ശിവന്‍, സരിതാ രാജീവ് എന്നിവർ മക്കളാണ്
