നാടിന് വേണ്ടി നമുക്ക് ഓരോരുത്തർക്കും വേണ്ടി എല്‍സ്റ്റന്‍ മുന്നിട്ടിറങ്ങി കോവിഡിനെതിരെ പ്രവർത്തിച്ചു ; വിവാഹം കഴിഞ്ഞിട്ട് മാസം ഒന്ന് തികഞ്ഞില്ല; ലിന്‍ഡയെ തനിച്ചാക്കി എല്സ്റ്റണ് പോകുമ്പോൾ വേദനയില്‍ സൗത്ത് മാറാടി.
കോവിഡ് പ്രതിരോധ പ്രവര്‍ത്തനങ്ങളില്‍ മുന്നില് നിന്ന് പ്രവര്‍ത്തിച്ച യുവാവ് കുഴഞ്ഞുവീണ് മരിച്ചു. സൗത്ത് മാറാടി തെക്കേടത്ത് എല്സ്റ്റണ് എബ്രഹാമാണ് (27) മരിച്ചത്. ഡിവൈഎഫ്‌ഐ മാറാടി മേഖല ജോയിന്‍ സെക്രട്ടറിയാണ്. ഡിവൈഎഫ്‌ഐയുടെ കോവിഡ് പ്രതിരോധ പ്രവര്‍ത്തനങ്ങളിലെ സജീവ പ്രവര്‍ത്തകനായിരുന്നു. വിവാഹം കഴിഞ്ഞ് ഒരു മാസം തികയുന്നതിനു മുന്‍പേ കോവിഡ് പ്രതിരോധ പ്രവര്‍ത്തനങ്ങളില്‍ സജീവ പങ്കാളിയായിരുന്നു എല്സ്റ്റണ് കുഴഞ്ഞുവീണ് മരിച്ചത്. കോവിഡ് രോഗികളെ ആശുപത്രിയിലെത്തിക്കുക മാത്രമല്ല ഇവർക്കുള്ള മരുന്നുകള്‍ എത്തിക്കുന്നതിലും മുന്നിലായിരുന്നു എല്സ്റ്റണ്. ജൂണ്‍ ഒന്നിന് എല്സ്റ്റണ് കോവിഡ് വാക്‌സിനെടുക്കുകയും ചെയ്തിരുന്നു.
രണ്ടാം തീയതി വൈകുന്നേരത്തോടെ വീട്ടില്‍ കുഴഞ്ഞുവീണ് എല്സ്റ്റണ് മരണപ്പെട്ടത് .എല്‍സ്റ്റണിന്റെ മരണത്തില്‍ അഡ്വക്കറ്റ് ജോയ്‌സ് ജോര്‍ജ് പങ്കുവച്ച കുറിപ്പ് വായിക്കാം;
ഒരു നാടിനെ ഒന്നാകെ വേദനിപ്പിക്കുന്ന വേര്‍പാട്;കോവിഡ് എന്ന മഹാ ദുരിതത്തില്‍ വിറള പൂണ്ട് നിന്ന് നാടിനെ രക്ഷിക്കാന്‍ കൂറെ ചെറുപ്പക്കാര്‍ എല്ലാം മറന്ന് വെച്ച്‌ ഇറങ്ങി തിരിച്ചപ്പോള്‍ അതില്‍ വിവാഹം കഴിഞ്ഞ് ഒരു മാസം പൊലും തികയാത്ത ഒരു 27 വയസകാരനുണ്ടായിരുന്നു.സ്വാര്‍ത്ഥയുടെ കണിക പൊലും തീണ്ടാത്ത സ്നേഹിക്കാന്‍ മാത്രം അറിയാവുന്ന നമ്മുടെ എല്‍സ്റ്റന്‍. എല്ലാവരെയും സുഹൃത്തുക്കളായി കണ്ട് നാളെയുടെ നല്ല കാലത്തെ സ്വപ്നം കണ്ട ചെറുപ്പകാരന് .വേണമെങ്കില്‍ ഒഴിവുകേടുകള്‍ പറയാമായിരുന്നു , പിന്നോട്ട് മാറി നില്‍ക്കിമായിരുന്നു. പക്ഷെ ഈ നാടിന് വേണ്ടി നമുക്ക് ഒരോത്തര്‍ക്കും വേണ്ടി എല്‍സ്റ്റന്‍ മുന്നോട്ട് ഇറങ്ങി. കോവിഡ് രോഗികളുടെ പരിചരണത്തിന് , ആശുപത്രികളില്‍ കൊണ്ടുപോകുന്നതിന് , മരുന്ന് വാങ്ങുന്നതിന് , മരണപ്പെട്ട രോഗികളുടെ സംസ്കാരത്തിന് അങ്ങനെ എല്ലാ പ്രവര്‍ത്തനങ്ങളിലും മുന്നില് നിന്ന ചെറുപ്പകാരന്. ഡിവൈഎഫ്‌ഐ മാറാടി കോവിഡ് കണ്‍ട്രോള്‍ റൂമിലെ നിറസാന്നിധ്യമായിരുന്ന എന്‍സ്റ്റന്‍ എല്ലാ പ്രവര്‍ത്തകര്‍ക്കും അവേശമായിരുന്നു.എന്‍സറ്റന്റെ വാക്കുകളില്‍ പ്രകാശമായിരുന്നു ,എപ്പോളും ഈ നാടിന്റെ നന്മയെ കുറിച്ച്‌ ചിന്തിച്ച്‌ ആ പ്രകാശം മറ്റുള്ളവരിലേക്ക് പകര്‍ന്ന് പ്രവര്‍ത്തിച്ച സഖാവ്.ഒടുവില്‍ ആ സ്നേഹ വാക്കുകളും ആയ്യിരം ആയ്യിരം നന്‍മകളും ഓര്‍ത്തു വയ്ക്കാന്‍ നമുക്ക് നല്‍കി. നമ്മെ വിട്ട് പിരിഞ്ഞ സഖാവ് എല്സ്റ്റണ് എബ്രഹാമിന് ഒരു നാടിന്റെയാകെ കണ്ണുനീരില്‍ കുതിര്‍ന്ന ആദരാഞ്ജലികള്‍
