രണ്ടാം പിണറായി സര്‍ക്കാര്‍ ഇന്ന് അധികാരമേല്‍ക്കും; സത്യപ്രതിജ്ഞ വൈകീട്ട് മൂന്നരക്ക്
തിരുവനന്തപുരം: ചരിത്രം തിരുത്തിയെഴുതി തുടർഭരണം നേടിയ ഇടതുമുന്നണിസർക്കാർ പിണറായി വിജയെൻറ നേതൃത്വത്തിൽ വ്യാഴാഴ്ച അധികാരമേറും. വൈകീട്ട് മൂന്നരക്ക് സെൻട്രൽ സ്റ്റേഡിയത്തിലെ വിശാലമായ പന്തലിലാണ് ചടങ്ങ്. മുഖ്യമന്ത്രിക്കും മറ്റ് മന്ത്രിമാർക്കും ഗവർണർ ആരിഫ് മുഹമ്മദ്ഖാൻ സത്യവാചകം ചൊല്ലിക്കൊടുക്കും. കർശന കോവിഡ് നിയന്ത്രണങ്ങൾ നിലനിൽക്കെ ഹ്രസ്വമായി സംഘടിപ്പിക്കുന്ന ചടങ്ങിൽ സത്യപ്രതിജ്ഞക്ക് ശേഷം മന്ത്രിമാർ സെക്രേട്ടറിയറ്റിലെത്തി ആദ്യ മന്ത്രിസഭായോഗത്തിൽ പെങ്കടുക്കും.വമ്പൻ ആഘോഷേത്താടെയും വൻ ജനസാന്നിധ്യത്തിലും പുതിയ സർക്കാറുകൾ അധികാരമേറുന്നതാണ് പതിവെങ്കിലും കോവിഡ് വ്യാപനത്തിനിടയിൽ ഇക്കുറി അതൊന്നുമില്ല.
അണികളുടെ ആവേശം പ്രകടിപ്പിക്കാൻ പതിവ് രീതിക്ക് അനുമതിയുമില്ല. 500 േപർക്കായി പ്രവേശനം പരിമിതപ്പെടുത്തിയ പൊതുഭരണവകുപ്പ് ക്ഷണക്കത്തുകളും കൈമാറി. പൊതുജനങ്ങൾക്ക് പ്രവേശനമില്ല. പെങ്കടുക്കുന്നവർക്ക് കോവിഡില്ലാ സർട്ടിഫിക്കറ്റ് നിർബന്ധമാണ്. കോവിഡ് സാഹചര്യത്തിൽ പ്രതിപക്ഷം പെങ്കടുക്കില്ലെന്ന് പ്രഖ്യാപിച്ചു. നിശ്ചയിച്ച 500നെക്കാൾ പെങ്കടുക്കുന്നവരുടെ എണ്ണം കുറയാനാണ് സാധ്യത.
17 പുതുമുഖങ്ങളുമായി പുതുചരിത്രമെഴുതുകയാണ് രണ്ടാം പിണറായി മന്ത്രിസഭ. സത്യപ്രതിജ്ഞക്ക് പിന്നാെല ഗവർണർ വകുപ്പുകൾ സംബന്ധിച്ച വിജ്ഞാപനം ഇറക്കും. ചൊവ്വാഴ്ച ഇടതുമുന്നണി പാർലമെൻററി പാർട്ടി യോഗം ചേർന്ന് പിണറായി വിജയനെ കക്ഷിനേതാവായി തെരഞ്ഞെടുത്തിരുന്നു. അദ്ദേഹം ഗവർണറെ സന്ദർശിച്ചതിന് പിന്നാെല കീഴ്വഴക്കമനുസരിച്ച് സർക്കാറുണ്ടാക്കാൻ ക്ഷണിക്കുകയും ചെയ്തു.
മുഖ്യമന്ത്രിക്ക് പുറമെ ജെ.ഡി.എസിലെ കെ. കൃഷ്ണൻകുട്ടിക്കും എൻ.സി.പിയിലെ എ.കെ. ശശീന്ദ്രനും സി.പി.എമ്മിലെ കെ. രാധാകൃഷ്ണനുമാണ് നേരേത്ത മന്ത്രിമാരായി പ്രവർത്തിച്ച് പരിചയമുള്ളവർ. ബാക്കി എല്ലാവരും പുതുമുഖങ്ങളാണ്. പുതുമുഖങ്ങളുടെ ആധിക്യത്തിന് പുറമെ മൂന്ന് വനിതകൾ ഉൾപ്പെടുന്ന മന്ത്രിസഭ എന്നതും ഇക്കുറി ശ്രദ്ധേയമാണ്.
സത്യപ്രതിജ്ഞക്ക് മുമ്പ് നവകേരള ഗീതാഞ്ജലി
തിരുവനന്തപുരം: മന്ത്രിസഭ സത്യപ്രതിജ്ഞയുടെ ഭാഗമായി പ്രശസ്തരായ 52 ഗായകരും സംഗീതജ്ഞരും അണിചേരുന്ന നവകേരള ഗീതാഞ്ജലി സെൻട്രൽ സ്റ്റേഡിയത്തിലെ സ്‌ക്രീനിൽ വ്യാഴാഴ്ച ഉച്ചക്ക് 2.50 മുതൽ പ്രദർശിപ്പിക്കും. സമർപ്പണാവതരണം നടത്തുന്നത് മമ്മൂട്ടിയാണ്. ഇ.എം.എസ് മുതൽ പിണറായി വിജയൻ വരെയുള്ളവർ നയിച്ച സർക്കാറുകൾ എങ്ങനെ കേരളത്തെ മാറ്റുകയും വളർത്തുകയും ചെയ്തെന്ന് വിളംബരം ചെയ്യുന്നതാണ് സംഗീത ആൽബം. ചലച്ചിത്രരംഗത്തെ പ്രമുഖരാണ് തുടർഭരണത്തിന് സംഗീതത്തിലൂടെ ഭാവുകമേകുന്നത്. ഇത്രയധികം ഗായകരും സംഗീതജ്ഞരും പങ്കാളികളാകുന്ന ഒരു സംഗീത ആൽബം മലയാളത്തിൽ ആദ്യത്തേതാണ്.
സത്യപ്രതിജ്ഞ തത്സമയം
തിരുവനന്തപുരം: സത്യപ്രതിജ്ഞാ ചടങ്ങ് കേരള സർക്കാർ വെബ്‌സൈറ്റിലൂടെയും സാമൂഹിക മാധ്യമങ്ങളിലൂടെയും തത്സമയം കാണാം. facebook.com/keralainformation, facebook.com/CMOkerala, youtube.com/iprdkerala, kerala.gov.in പി.ആർ.ഡി ലൈവ് മൊബൈൽ ആപ് എന്നിവ വഴി കാണാം.
