ഊവ്വൊരു പൂക്കളുമേ’ ഫെയിം ഗായകന് കോമങ്കന്‍ കോവിഡ് ബാധിച്ച് മരിച്ചു
ചെന്നൈ: ചേരൻ സംവിധാനം ചെയ്ത ഓട്ടോഗ്രാഫ് എന്ന ചിത്രത്തിലെ ഊവ്വൊരു പൂക്കളുമേ എന്ന ഗാനരംഗത്തിൽ അഭിനയിച്ച ഗായകൻ കോമങ്കൻ കോവിഡ് ബാധിച്ച് മരിച്ചു. ജന്മനാ അന്ധനായ കോമാങ്കൻ കാഴ്ചയില്ലാത്ത ഗായകരെ സംഘടിപ്പിക്കാനും നേതൃത്വം നൽകിയിരുന്നു.
ഏതാനും ദിവസങ്ങൾക്ക് മുൻപാണ് ഗായകന് കോവിഡ് സ്ഥിരീകരിച്ചത്. ചെന്നൈയിലെ ഒരു സ്വകാര്യ ആശുപത്രിയിൽ ചികിത്സയിലായിരുന്നു. വ്യാഴാഴ്ച പുലർച്ചെ ഒന്നരോടെയായിരുന്നു അന്ത്യം.
,ഓട്ടോഗ്രാഫിലൂടെ പ്രശസ്തനായ കോമങ്കൻ ഏതാനും ചിത്രങ്ങളിൽ അഭിനയിക്കുകയും സംഗീത സംവിധാനം നിർവഹിക്കുകയും ചെയ്തിട്ടുണ്ട്. തമിഴ്നാട് സർക്കാറിന്റെ കലൈമാമണി പുരസ്കാരം നേടുകയും ചെയ്തിട്ടുണ്ട്.
വിവാഹമോചിതനാണ്. അനിതയായിരുന്നു ഭാര്യ. മോനാസ്, മോൽവിൻ എന്നിവർ മക്കളാണ്.
