തളങ്കര അബ്ദുല്‍ഹക്കീം ദുബായില്‍ അന്തരിച്ചുവിടവാങ്ങിയത് തളങ്കരയുടെ ഉരുപ്പെരുമ വിശ്വവിഖ്യാതമാക്കിയ വ്യവസായി
കാസര്‍കോട്: തളങ്കരയുടെ ഉരു നിര്‍മ്മാണ പൈതൃകം ലോകത്തെയറിയിച്ച തളങ്കര അബ്ദുല്‍ ഹക്കീം അന്തരിച്ചു.65 വയസായിരുന്നു. പരേതനായ തളങ്കര അബ്ദുല്ലക്കുഞ്ഞിയുടേയും കുഞ്ഞാമിനയുടേയും മകനാണ്. കോവിഡിനെ തുടര്‍ന്ന് ദുബായ് റാഷിദിയ്യ ആസ്പത്രിയില്‍ രണ്ട് മാസത്തോളമായി ചികിത്സയിലായിരുന്നു. ഇന്നുച്ചയോടെയാണ് മരിച്ചത്.
കുടുംബ സമേതം ദുബായിലേക്ക് പോയ അദ്ദേഹത്തിന്റെ ആരോഗ്യ നില വഷളായതിനാൽ അത്യാസന്ന നിലയില്‍ ആസ്പത്രിയില്‍ കഴിയുകയായിരുന്നു.
ഭാര്യമാര്‍: കല്ലട്ര ജമീല, റസീന, പരേതയായ ഡോ. ഖദീജ. മക്കള്‍: നാസിഫ, നീമ, സുഹൈല്‍, പരേതയായ സുഹാന. മരുമക്കള്‍: നിസാര്‍, അന്‍വര്‍. സഹോദരങ്ങള്‍: തളങ്കര മുഹമ്മദ് അഷ്‌റഫ്, ഡോ. തളങ്കര നൂറുദ്ദീന്‍, പരേതനായ തളങ്കര ഇബ്രാഹിം ഖലീല്‍, തളങ്കര നഫീസത്ത് ബീവി, തളങ്കര ഖമറു, തളങ്കര സുഹ്‌റ.
