കോണ്‍ഗ്രസ് ജയിക്കില്ലെന്ന് തുറന്നടിച്ച് രാജ്മോഹന് ഉണ്ണിത്താന്‍ എം.പി; അണികള്‍ ബിജെപിയിലേക്ക് ഒഴുകുന്നു
തിരുവനന്തപുരം : പോളിങ് ദിവസം യുഡിഎഫിന്റെ അവസ്ഥ തുറന്നുപറഞ്ഞ് രാജ്മോഹന് ഉണ്ണിത്താന്‍ എം.പി. കോണ്‍ഗ്രസിന് ഇനിയൊരു തിരിച്ചുവരവ് സാധ്യമല്ലെന്നും തെരഞ്ഞെടുപ്പില്‍ പരാജയപ്പെടുമെന്നും കാസര്‍ഗോഡ് എം.പിയായ രാജ്മോഹന് ഉണ്ണിത്താന്‍ പറഞ്ഞു. ‘ടൈംസ് നൗ’ ചാനലിനോട് നല്‍കിയ അഭിമുഖത്തിലാണ്ഉണ്ണിത്താന്റെ പ്രതികരണം. കേരളത്തില്‍ തെരഞ്ഞെടുപ്പില്‍ നിമിഷങ്ങള്‍ ബാക്കി നില്‍ക്കെയായിരുന്നു രാജ്മോഹന് ഉണ്ണിത്താന്റെ പ്രസ്താവന.
ആത്മാര്‍ത്ഥത ലവലേശമില്ലാത്തവരാണ് കോണ്‍ഗ്രസ് നേതാക്കളെന്നും കോണ്‍ഗ്രസ് തോല്‍വി ഭയക്കുന്നുവെന്നും രാജ്മോഹന് ഉണ്ണിത്താന്‍ പറയുന്നു. ഗ്രൂപ്പ് വളര്‍ത്തുക എന്നതു മാത്രമാണ് നേതാക്കള്‍ ചെയ്യുന്നത്. കേരളത്തില്‍ കോണ്‍ഗ്രസ് പാര്‍ട്ടി ഇല്ല. ഉള്ളത് രണ്ടു ഗ്രൂപ്പുകള്‍ മാത്രമാണ്. കോണ്‍ഗ്രസ്സുകാര്‍ക്ക് കൂറ് ഗ്രൂപ്പ് നേതാക്കളോട് മാത്രമാണ്. ബിജെപിയിവിടെ നാള്‍ക്ക് നാള്‍ കരുത്താര്‍ജിക്കുകയാണ്. അണികള്‍ ബിജെപിയിലേക്ക് ഒഴുകുന്നുവെന്നും ‘ടൈംസ് നൗ’ സ്റ്റിങ് ഓപ്പറേഷനില്‍ ഉണ്ണിത്താന്‍ തുറന്നടിച്ചു.
