ഉദയനിധിയുമായി നയന്‍താരയ്ക്ക് സ്വകാര്യ ബന്ധമുണ്ടെങ്കിലും ഇല്ലെങ്കിലും എനിക്കെന്താണ് ? പ്രകോപിതരായി നയൻതാര ഫാൻസ്
പൊതുവേദിയില്‍ നയന്‍താരക്കെതിരെ മോശമായി സംസാരിച്ച്‌ രാധ രവി വീണ്ടും രംഗത്തു വന്നു . രാഷ്ട്രീയ പാര്‍ട്ടിയുടെ വേദിയായിലായിരുന്നു ആക്ഷേപം , നിയമ സഭാ തിരഞ്ഞെടുപ്പുമായി ബന്ധപ്പെട്ട് ബിജെപി പാര്‍ട്ടി സംഘടിപ്പിച്ച വേദിയില്‍ സംസാരിക്കവെയാണ് രാധ രവി നയന്‍താരയെ കുറിച്ച് മോശമായി സംസാരിച്ചത്.
മറ്റൊരു പാര്‍ട്ടിയിലായിരുന്ന രാധ രവി എന്തുകൊണ്ട് ആ പാര്‍ട്ടി വിട്ടു എന്നതിനെ കുറിച്ച് ന്യായീകരിക്കുകയായിരുന്നു നടന്‍ രാധ രവി. ”നയന്‍താരയെ കുറിച്ച് ഞാന്‍ മോശമായി സംസാരിച്ചു എന്നും, സ്ത്രീകളെ കുറിച്ച് മോശമായി സംസാരിച്ച ഞാന്‍ പാര്‍ട്ടിയില്‍ തുടരാന്‍ യോഗ്യനല്ലന്നും പറഞ്ഞാണ് എന്നെ പുറത്താക്കിയത് , നിങ്ങളാരാണ് എന്നെ പുറത്താക്കാന്‍ , അത് കൊണ്ട് ഞാന്‍ തന്നെ പുറത്ത് പോകുകയാണ് രാധ രവി കൂട്ടിച്ചേർത്തു , നയന്‍താര നിങ്ങളുടെ പാര്‍ട്ടിയില്‍ ആരാണ്. ഉദയനിധിയുമായി നയന്‍താരയ്ക്ക് സ്വകാര്യ ബന്ധമുണ്ടെങ്കിലും ഇല്ലെങ്കിലും എനിക്കെന്താണ്”- എന്നിങ്ങനെയായിരുന്നു രാധ രവിയുടെ തുടർന്നുള്ള പ്രസംഗം.
സിനിമാ പ്രമോഷന് നയന്‍താര പങ്കെടുക്കാത്തതിനെ തുടര്‍ന്ന് നേരത്തെ നടന്‍ രാധ രവി നയന്‍താരയെ അപമാനിച്ചത് വാര്‍ത്തയായിരുന്നു. രണ്ട് വര്‍ഷം മുന്‍പായിരുന്നു അത്. നയന്‍താര കേന്ദ്ര കഥാപാത്രമായി അഭിനയിച്ച സിനിമയുടെ പ്രമോഷന് നടി പങ്കെടുക്കാത്തതിനെ തുടര്‍ന്ന്, ചിത്രത്തില്‍ മറ്റൊരു കഥാപാത്രത്തെ അവതരിപ്പിച്ച രാധ രവി നടിയെ കുറിച്ച് മോശമായി സംസാരിയ്ക്കുകയായിരുന്നു. അന്ന് അത് വാര്‍ത്തയായപ്പോള്‍, തന്റെ വാക്കുകള്‍ വളച്ചൊടിച്ചതാണെന്നും നയന്‍താരയെ കുറിച്ച് മോശമായി സംസാരിച്ചിട്ടില്ല എന്നുമാണ് രാധ രവി പറഞ്ഞത്.
2019 ല്‍ തന്നെ കുറിച്ച് മോശമായി രാധ രവി സംസാരിച്ചപ്പോള്‍ നയന്‍താര പ്രതികരിച്ചത് ഇങ്ങെനെ അവര്‍ക്കും ജന്മം നല്‍കിയത് ഒരു സ്ത്രീ ആണെന്ന് ഓര്‍മപ്പെടുത്താന്‍ ആഗ്രഹിയ്ക്കുന്നു എന്നാണ്. അവരുടെ കുടുംബത്തിലെ എല്ലാ സ്ത്രീകളോടും എനിക്ക് സഹതാപം തോന്നുന്നു. സ്ത്രീകളെ ഇത്തരത്തില്‍ മോശമായി കാണുന്ന അദ്ദേഹത്തോട് എനിക്ക് പാപം മാത്രമേ തോന്നുന്നുള്ളൂ. രാധ രവിയെ പോലൊരു മുതിര്‍ന്ന നടന്‍ യുവതാരങ്ങളെ മുന്നില്‍ നിന്ന് നയിക്കേണ്ടതായിരുന്നു. പക്ഷെ ഇത് ദാരുണമാണ്. ഇന്റസ്ട്രിയില്‍ നിന്ന് അപ്രസക്തമാകുമ്പോള്‍ ഇത്തരം തരംതാഴ്ന്ന രീതിയിലൂടെ വാര്‍ത്തകളില്‍ ഇടം പിടിയ്ക്കുന്നത് വിലകുറഞ്ഞ പരിപാടിയാണെന്നും അന്ന് നയന്‍താര പറഞ്ഞിരുന്നു.
