സ്വര്‍ണ വില ഇടിഞ്ഞു
പവന് 200 രൂപയാണ് കുറവ്
ഒരു പവന് സ്വര്‍ണത്തിന് 32,880 രൂപയാണ് വില
ഗ്രാമിന് 4,110 രൂപയും
കൊച്ചി: സ്വര്‍ണ വിലയിൽ വീണ്ടും ഇടിവ്. പവന് 200 രൂപയാണ് കുറഞ്ഞത്. ഈ മാസത്തെ ഏറ്റവും കുറഞ്ഞ നിരക്കിലാണ് വില. ഒരു പവൻ സ്വര്‍ണത്തിന് 32,880 രൂപയാണ് വില. ഒരു ഗ്രാമിന് 4,110 രൂപയും. രാജ്യാന്തര വിപണിയിൽ സ്വര്‍ണ വില കുത്തനെ ഇടിഞ്ഞു. ട്രോയ് ഔൺസിന് 1,679.68 ഡോളറിലാണ് വ്യാപാരം മാര്‍ച്ചിൽ ഇതുവരെ പവന് 1,560 രൂപ കുറഞ്ഞു.
മാര്‍ച്ച് ഒന്നിന് പവന് 34,440 രൂപയായിരുന്നു സ്വര്‍ണ വില . പിന്നീട് വില ഇടിയുകയായിരുന്നു . മാര്‍ച്ച് അഞ്ചിന് ഒരു പവൻ സ്വര്‍ണത്തിന് 33,160 രൂപയായിരുന്നു വില. ഇതായിരുന്നു മാര്‍ച്ചിലെ ഏറ്റവും കുറഞ്ഞ നിരക്ക്. ഫെബ്രുവരി 27,28 തീയതികളിൽ കഴിഞ്ഞ മാസത്തെ ഏറ്റവും കുറഞ്ഞ നിരക്കിൽ ആയിരുന്നു വില. ഒരു പവൻ സ്വര്‍ണത്തിന് 34,160 രൂപയായിരുന്നു വില.
ഡോളര്‍ കരുത്താര്‍ജിക്കുന്നതും യുഎസ് ട്രഷറി വരുമാനം ഉയര്‍ന്നതും ഒക്കെ സ്വര്‍ണത്തിന് വില ഇടിയാൻ കാരണമായി.എന്നാൽ ദീര്‍ഘകാലാടിസ്ഥാനത്തിൽ സ്വര്‍ണ വില ഉയരുമെന്ന് വിദഗ്ധര്‍ ചൂണ്ടിക്കാട്ടുന്നു .
