കണ്ണൂര് ഇരിട്ടിയില് വയോധികയുടെ കൊല;മരുമകള് അറസ്റ്റില്
ഇരിട്ടി: കരിക്കോട്ടക്കരി 18 ഏക്കറില് വയോധികയെ വീടിനുള്ളില് മരിച്ച നിലയില് കണ്ടെത്തി സംഭവം കൊലപാതകം. കായംമാക്കല് മറിയക്കൂട്ടി (82)യെ കൂടെ താമസിക്കുന്ന മകന്റെ ഭാര്യ ബലമായി വാതില് പടിയില് തലയിടിപ്പിച്ച് കൊലപ്പെടുത്തിയതാണെന്ന് കണ്ടെത്തി. മറിയക്കൂട്ടിയുടെമൂത്തമകന് മാത്യുവിന്റെ ഭാര്യ എല്സി (54)നെ അറസ്റ്റ് ചെയ്തു മറിയക്കൂട്ടി വീട്ടിനുള്ളില് കട്ടില പടിക്ക് സമീപം വീണ് ചോരവാര്ന്ന് മരിച്ച നിലയില് കണ്ടെത്തി.മരണത്തില് ദുരൂഹതയുണ്ടെന്ന് നാട്ടുകാരും മറിയക്കുട്ടി യുടെ ബന്ധുക്കളും പരാതിപ്പെട്ടതിനെ തുടര്ന്ന നടത്തിയ ശാസ്ത്രീയ അന്വേഷണത്തിലാണ് സംഭവം കൊല പാതകമാണെന്ന് തെളിഞ്ഞത്.
പോലീസ് പറയുന്നത് ഇങ്ങനെ . മറിയക്കൂട്ടി മൂത്തമകന് മാത്യുവിന്റെയും മരുമകള് എല്സിയുടേയും കൂടെയാണ് താമസിക്കുന്നത്. ഇരുവരും വഴക്കിടാറുണ്ടായിരുന്നു . ടാപ്പിംങ്ങ് തൊഴിലാളിയായ മകന് ജോലിക്ക് പോയാല് രാത്രിയിലാണ് തിരച്ചെത്തുക. സംഭവ ദിവസം മറിയക്കൂട്ടിയും എല്സിയും വാക്കേറ്റും ഉണ്ടായി. ഊന്നു വടിയില് മാത്രം നടക്കാന് ശേഷിയുള്ള മറിയക്കുട്ടി വീട്ടിന്റെ സെന്ട്രല് ഹാളില് വാതില് പടി യോട് ചേര്ന്ന് കസേരയില് ഇരിക്കുകയായിരുന്നു. വാക്ക് തര്ക്കവും പരസ്പരം ചീത്ത വിളിയും ശക്തമായതോടെ കസേരയില് നിന്നും എഴുന്നേല്ക്കാനുള്ള ശ്രമത്തിനിടയില് മറിയക്കുട്ടിയെ എല്സി തള്ളി താഴെയിട്ടു. വീഴ്ച്ചക്കിടയില് മറിയക്കുട്ടി യുടെ തവ ചുമരിലിടിച്ച് മുറിവ് പറ്റി. പുറത്തറിയുമെന്ന പേടിയില് മറിയകുട്ടിയെ എഴുന്നേല്ക്കാന് അനുവദിക്കാതെ തല നിരന്തരം വാതില് പടിയില് ബലമായി ഇടിച്ച് കൊലപ്പെടുത്തി.
താമസിക്കുമെന്നു പറയാന് വൈകിട്ട് ആറരയോടെ വീട്ടിലേക്ക് ഫോണ് വിളിച്ച ഭര്ത്താവ് മാത്യുവിനോട് അമ്മ വീണ് ചെറിയ മുറിവ് പറ്റിയതായി പറഞ്ഞു. മാത്യു എത്തുമ്ബോഴെക്കും മറിയക്കൂട്ടി മരിച്ചിരുന്നു. ചക്ക പറിക്കാന് പോയപ്പോള് അമ്മ അബദ്ധത്തില് വീണ് മുറിവേല്ക്കുകയും ചോര വാര്ന്ന് മരിക്കുകയുമായിരുന്നുവെന്നാണ് എല്സി ഭര്ത്താവിനോടും അയല്പക്കക്കാരോടും പറഞ്ഞത്. പോലീസിന്റെ ആദ്യ പരിശോധന യിലും തലയ്ക്കുള്ള മുറിവും കൈ ഒടിഞ്ഞ നിലയിലും കണ്ടതിനാല് അബന്ധത്തില് വീണപ്പോള് ഉണ്ടായ മരണമാണെന്നേ സംശയിച്ചിരുന്നുള്ളു.
വീണ വിവരം സമീപത്തെ വീട്ടുകാരെ അറിയിച്ചിരുന്നതായി എല്സി ആദ്യം മൊഴി നല്കി. നാട്ടുകാര് ദുരൂഹത ആരോപിച്ചതോടെ ജില്ലാ പോസീസ് മേധവി ഉള്പ്പെടെ സ്ഥലത്തെത്തി മൃതദേഹം വിശദ പരിശോധനയ്ക്ക് വിധേയമാക്കി. ഫോറസിക്ക് പരിശോധനയില് തലയുടെ പല ഭാഗങ്ങളിലും ചതവും മുറിവും കണ്ടെത്തി. ഇതോടെ മരണത്തില് അസ്വഭാവികത പോലീസിനും ഉണ്ടായി. സമീപത്തെ വീട്ടുകാരുടെ മൊഴിയെടുത്തപ്പോള് മറിയക്കൂട്ടി വീണ വിവരം എല്സി അറിയിച്ചിരുന്നില്ലെന്നും മനസിലായി. തുടര്ന്ന് എല്സിയെ കസ്റ്റഡിയിലെടുത്ത് വിശദമായി ചോദ്യം ചെയ്തപ്പോഴാണ് കുറ്റും സമ്മതിച്ചത്.
തള്ളിയിട്ടപ്പോള് വീണ് മുറിവു പറ്റിയ മറിയക്കൂട്ടിയെ തലമുടികുത്തിന് പിടിച്ച് കട്ടില പടിയില് പല തവണ ഇടിക്കുകയായിരുന്നുവെന്ന് പോലിസിനോട് പറഞ്ഞു. അറസ്റ്റ് രേഖപ്പെടുത്തി വെള്ളിയാഴ്ച്ച രാവിലെ മട്ടന്നൂര് കോടതിയില് ഹജരാക്കി റിമാണ്ട് ചെയ്തു. മറിയക്കൂട്ടിയുടെ മൃതദേഹം പരിയാരം മെഡിക്കല് കോളേജ് ആസ്പത്രിയിലെ മൃതദേഹ പരിശോധനയ്ക്ക് ശേഷം നാട്ടിലെത്തിച്ച് കരിക്കോട്ടക്കരി പള്ളിയില് സംസ്ക്കരിച്ചു. പരേതനായ തോമസ് ആണ് മറിയക്കുട്ടയുടെ ഭര്ത്താവ്. മക്കള്: മാത്യു, മേരി, ടോമി, ബേബി, സലോമി, തങ്കച്ചന്, സജി, സാന്റി. മരുമക്കള് : എല്സി, ബേബി, മേരി, ലില്ലി, ഡെന്നി , സാലി, താഹിറ, സില്വി.