സംവരണ സീറ്റില്‍ സെലിബ്രിറ്റികളെ കൊണ്ടുവരരുത്, ധര്മ്മജന് പിണറായി വിജയനെതിരെ മത്സരിക്കട്ടെയെന്ന് ദളിത് കോണ്‍ഗ്രസ്
കോഴിക്കോട്: വരുന്ന നിയമസഭാ തിരഞ്ഞെടുപ്പില്‍ ബാലുശേരിയില്‍ നടന്‍ ധര്മ്മജന് ബോള്‍ഗാട്ടി യുഡിഎഫ് സ്ഥാനാര്‍ഥിയാകുമെന്ന റിപ്പോര്‍ട്ടുകള്‍ക്കിടയില്‍ പ്രതിഷേധവുമായി ദളിത് കോണ്‍ഗ്രസ്. സംവരണ സീറ്റില്‍ സെലിബ്രിറ്റികളെ കൊണ്ടുവരരുതെന്ന് ദളിത് കോണ്‍ഗ്രസ് ആവശ്യപ്പെടുന്നു.
പാര്‍ട്ടി ആവശ്യപ്പെട്ടാല്‍ എവിടെ വേണമെങ്കിലും മത്സരിക്കാന്‍ തയ്യാറാണെന്ന് ധര്മ്മജന് വ്യക്തമാക്കിയിരുന്നു. ധര്മ്മജന് ബാലുശേരിയില്‍ തന്നെ മത്സരിക്കണമെന്നില്ലാത്തതിനാല്‍ സംവരണ മണ്ഡലമായ ബാലുശേരി തങ്ങള്‍ക്ക് നല്‍കണമെന്നും, പിണറായി വിജയനെതിരെ ധര്‍മ്മടത്ത് ധര്‍മ്മജനെ രംഗത്തിറക്കണമെന്നുമാണ് ദളിത് കോണ്‍ഗ്രസ് ആവശ്യപ്പെടുന്നത്.
അത്തോളിയിലെ പാര്‍ട്ടി പരിപാടിയില്‍ പങ്കെടുത്തതിന് പിന്നാലെയാണ് ബാലുശേരിയില്‍ ധര്മ്മജന് യു ഡി എഫ് സ്ഥാനാര്‍ത്ഥിയാകുമെന്ന അഭ്യൂഹങ്ങള്‍ പരന്നത്. സാദ്ധ്യത തള്ളികളയാനാകില്ലെന്നും, ചര്‍ച്ച പുരോഗമിക്കുകയാണെന്നും ജില്ലാ നേതൃത്വം പ്രതികരിച്ചിരുന്നു.
