ഉപയോക്താക്കള്‍ ഏറുന്നു; പുതിയ ഫീച്ചറുകളുമായി സിഗ്നല്‍
വാട്സാപ്പ് വിട്ടുവരുന്ന ഉപയോക്താക്കളെ സ്വീകരിക്കാൻ പുതിയ ഫീച്ചറുകൾ പ്രഖ്യാപിച്ച് സിഗ്നൽ. ട്വിറ്ററിലൂടെയാണ് പുതിയ സൗകര്യങ്ങൾ അവതരിപ്പിക്കുന്ന കാര്യം സിഗ്നൽ പ്രഖ്യാപിച്ചത്.ചാറ്റ് വാൾപേപ്പറുകൾ, സിഗ്നൽ പ്രൊഫൈലിലെ എബൗട്ട് ഫീൽഡ്, ആനിമേറ്റഡ് സ്റ്റിക്കറുകൾ എന്നിവ അതിൽ ചിലതാണ്.ഐ.ഓ.എസ്. ഉപയോക്താക്കൾക്കായി മീഡിയ ഓട്ടോ ഡൗൺലോഡ് ഫീച്ചറും ഫുൾ സ്ക്രീൻ പ്രൊഫൈൽ ഫോട്ടോയും നൽകും.കൂടാതെ സിഗ്നൽ വഴിയുള്ള വീഡിയോ കോളുകളിൽ പങ്കെടുക്കാവുന്ന അംഗങ്ങളുടെ എണ്ണം അഞ്ചിൽനിന്നും എട്ട് ആക്കി വർധിപ്പിച്ചിട്ടുണ്ട്.അതേസമയം, ഈ ഫീച്ചറുകളിൽ പലതും നേരത്തെ തന്നെ വാട്സാപ്പിൽ ലഭ്യമായതും വാട്സാപ്പ് അവതരപ്പിക്കാനിരിക്കുന്നതുമാണ്.വാട്സാപ്പിന്റെ പുതിയ പ്രൈവസി പോളിസി അപ്ഡേറ്റിനെതിരെ പ്രതിഷേധം കനത്ത പശ്ചാത്തലത്തിലാണ് സിഗ്നൽ ആപ്പിലേക്ക് ആളുകളുടെ വരവ് വർധിച്ചത്.
