ആലപ്പുഴ : ലോകത്തില്‍ ഏറ്റവും കൂടുതല്‍ അനുയായികള്‍ ഉള്ള മതമായി ഇസ്ലാം മതം മാറുമെന്ന് പൊതുമരാമത്ത് വകുപ്പ് മന്ത്രി ജി സുധാകരന്‍. റാവുത്തര്‍ ഫെഡറേഷന്‍ സംസ്ഥാന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
‘സംസ്ഥാന സര്‍ക്കാര്‍ റാവുത്തര്‍ സമൂഹത്തിന് ഉടന്‍ തന്നെ ‘ഭാഷാ-ന്യൂനപക്ഷ’ പദവി നല്‍കും. ഭരണഘടനാപരമായ പ്രശ്നങ്ങള്‍ കാരണമാണിത് വൈകുന്നത് .അന്തര്‍ലീനമായ ‘സ്നേഹം’, ‘അനുകമ്ബ’ എന്നിവ കാരണം ഇസ്ലാം അതിവേഗം വളരുന്ന മതമായി മാറി’,സുധാകരന്‍ പറഞ്ഞു .
ഹിന്ദുമതം ധാര്‍ഷ്ട്യമുള്ളതാണ് അതിനു ആകര്‍ഷകവുമില്ല . ഇസ്ലാം മതത്തിനല്ലാതെ മറ്റൊരു മതത്തിനും മറ്റുള്ളവരോട് സ്നേഹം കാണിക്കാത്ത ആചാരങ്ങളാണ് ഉള്ളത് . കാരുണ്യവും സ്നേഹവും ഉള്ളത് ഇസ്ലാമിലാണ്.മറ്റ് മതങ്ങളുടെയെല്ലാം ആകര്‍ഷശക്തി നഷ്ടപ്പെട്ടു. ജീവകാരുണ്യവും സ്നേഹവുമില്ലാതെ യാന്ത്രികവും ആവര്‍ത്തനവിരസവുമായ ആചാരണങ്ങളാണ് മറ്റ് മതങ്ങളില്‍ ഉള്ളത്. ഇസ്ലാമിലും ആചാരങ്ങള്‍ ഉണ്ട് , പക്ഷെ അനുകമ്ബയുമുണ്ട് . 2075 ആകുമ്ബോള്‍ ലോകത്തിലെ ഏറ്റവും കൂടുതല്‍ അനുയായികള്‍ ഉള്ള മതം ഇസ്ലാമായി മാറുമെന്നും സുധാകരന്‍ പറഞ്ഞു.
