ജയിലില് പോയാല് ജീവനോടെ തിരിച്ചു വരാനാകുമെന്ന് തോന്നുന്നില്ലെന്ന് ഇബ്രാഹിം കുഞ്ഞ്; ജാമ്യം അനുവദിക്കരുതെന്ന് സര്ക്കാര്
കൊച്ചി: ഇബ്രാഹിംകുഞ്ഞിന് ജാമ്യം അനുവദിക്കരുതെന്ന് സംസ്ഥാന സര്ക്കാര് ഹൈക്കോടതിയില്. മുസ്ലിം എജ്യൂക്കേഷന് സൊസൈറ്റി ഇലക്ഷനില് മത്സരിക്കാന് കഴിഞ്ഞ ദിവസം ഇബ്രാഹിംകുഞ്ഞ് അനുമതി തേടിയിരുന്നു. ഇതും ജാമ്യപേക്ഷയില് പറയുന്ന കാര്യങ്ങളും പരസ്പരവിരുദ്ധം ആണെന്ന് സര്ക്കാര് കോടതിയില് പറഞ്ഞു. മത്സരിക്കുന്നത് ജയിലില് പോയിട്ടുമാകാമെന്നായിരുന്നു ഹൈക്കോടതിയുടെ വിമര്ശനം.
നോമിനേഷന് നല്കാമെങ്കില് ജയിലില് പോകാനും തയ്യാറാകണം എന്ന് കോടതി പറഞ്ഞു. ആരോഗ്യ കാരണം മാത്രം പരിഗണിച്ചാണ് ജാമ്യം നല്കാന് ആലോചിച്ചത്. പക്ഷേ ഇപ്പോള് നിങ്ങള് തിരഞ്ഞെടുപ്പില് മത്സരിക്കാന് ഉദ്ദേശിക്കുന്നു. അത് ജയിലില് പോയിട്ടും ആകാമെന്ന് കോടതി വിമര്ശിച്ചു.
അതേസമയം, ജയിലില് പോയാല് ജീവനോടെ തിരിച്ചു വരാന് പറ്റുമെന്ന് തോന്നുന്നില്ലെന്ന് ഇബ്രാഹിം കുഞ്ഞ് കോടതിയില് പറഞ്ഞു. വിദഗ്ദ്ധ ഡോക്ടര്മാരുടെ റിപ്പോര്ട്ട് സമര്പ്പിക്കാന് അനുവദിക്കണമെന്നും സര്ക്കാര് റിപ്പോര്ട്ടിന്മേല് മറുപടി നല്കാന് സമയം വേണമെന്നും ഇബ്രാഹിം കുഞ്ഞ് പറഞ്ഞു. കേസ് വെളളിയാഴ്ച വീണ്ടും പരിഗണിക്കും