തീരുമാനം എടുക്കേണ്ടത് സിപിഎം; കൊല്ലത്ത് വീണ്ടും മത്സരിക്കാന്‍ താല്‍പര്യവുമായി നടൻ മുകേഷ്
തിരുവനന്തപുരം: നിയമസഭാ തെരഞ്ഞെടുപ്പില്‍ വീണ്ടും മത്സരിക്കാന്‍ താല്‍പര്യം പ്രകടിപ്പിച്ച് നടനും കൊല്ലം എംഎല്‍എയുമായ മുകേഷ്. ഇക്കാര്യത്തില്‍ തീരുമാനം എടുക്കേണ്ടത് സിപിഐഎം ആണെന്നും ആവശ്യപ്പെടുകയാണെങ്കില്‍ അപ്പോള്‍ തന്റെ നിലപാട് വ്യക്തമാക്കുമെന്നും മുകേഷ് ഏഷ്യാനെറ്റ് ന്യൂസിനോട് പറഞ്ഞു. .
മണ്ഡലത്തില്‍ നടപ്പിലാക്കിയ വികസന പ്രവര്‍ത്തനങ്ങള്‍ വ്യക്തമാക്കിയുള്ള പുതുവര്‍ഷ കലണ്ടര്‍ എംഎല്‍എ പുറത്തിറക്കിയിട്ടുണ്ട്.
2016 ലെ നിയമസഭാ തെരഞ്ഞെടുപ്പില്‍ കൊല്ലം നിയമസഭാ മണ്ഡലത്തില്‍ നിന്ന് മത്സരിച്ച മുകേഷ് വലിയ ഭൂരിപക്ഷത്തിലായിരുന്നു വിജയിച്ചത്. കോണ്‍ഗ്രസിലെ സൂരജ് രവിയെ 17611 വോട്ടിന്റെ ഭൂരിപക്ഷത്തില്‍ തോല്പിച്ചാണ് മുകേഷ് നിയമസഭയിലെത്തിയത്.
